ကွမ်းသီးနှင့် သီဟိုများသည် မြန်မာနိုင်ငံတောင်ပိုင်း တနင်္သာရီတိုင်းဒေသကြီးနှင့် မွန်ပြည်နယ်တို့တွင် အများဆုံးစိုက်ပျိုးလျက်ရှိပါသည်။ ကွမ်းသီးတွင် ကွမ်းသီးအလုံးစျေးနှင့် ကွမ်းသီးခွဲခြမ်းစျေးဟူ၍ စျေးနှုန်း (၂)မျိုးရှိပြီး သီဟိုစေ့တွင် အခွံမချွတ်ရသေးသောအပင်မှ ဆွတ်ခူးသော အသီးအကြမ်းစျေးနှင့် အခြောက်လှန်းသန့်စင်ပြီး အချောစျေးဟူ၍ စျေးနှုန်း (၂)မျိုး ရှိကြောင်း သိရှိရပါသည်။ တနင်္သာရီတိုင်းဒေသကြီး၊ ထားဝယ်မြို့ပေါ်ရှိ ယခုဖြစ်ပေါ်လျက်ရှိသော ကွမ်းသီးစျေးမှာ ကွမ်းသီးအလုံး(အခွံမပါ) တစ်ပိဿာလျှင် (၅၈၀ဝိ/-)နှုန်းရှိပြီး ရန်ကုန်စျေးကွက်သို့ တင်ပို့သောစျေးမှာ တစ်ပိဿာလျှင် (၆၁ဝဝိ/-)နှုန်း စျေးပေါက်နေကြောင်းနှင့် ကွမ်းသီးခွဲခြမ်း တစ်ပိဿာလျှင် (၅၅၀ဝိ/-)နှုန်း ပေါက်ဈေးရှိကြောင်း သိရှိရပြီး သီဟိုစေ့စျေးနှုန်းမှာသီဟိုစေ့ အကြမ်းတစ်ပိဿာလျှင် (၃၄၀ဝိ/-)ကျပ်ရှိပြီး သီဟိုစေ့အချော တစ်ပိဿာလျှင် (၂၂၇၀ဝိ/) ကျပ်ရှိကြောင်း သိရှိရပါသည်။ ကွမ်းသီးနှင့် သီဟိုစေ့ဈေးနှုန်းများမှာ ယခုအပတ်နှင့် ယခင်ပတ်နှိုင်းယှဉ်လျှင် ဈေးနှုန်းတည်ငြိမ်လျက်ရှိကြောင်းနှင့် ရန်ကုန်စျေးကွက်တွင် အရောင်းအဝယ်မှာ အနည်းငယ်အေးလျက်ရှိပါကြောင်း စုံစမ်းသိရှိရပါသည်။
DOCA(တနင်္သာရီ)