မန္တလေးတိုင်းဒေသကြီး၊ ကျောက်ဆည်ခရိုင်အတွင်း ဝါးကပ်၊ဝါးထရံရက်လုပ်ခြင်း လုပ်ငန်း ဖြင့် မိသားစုဝင်ငွေရရှိ၍ စားဝတ်နေရေး အဆင်ပြေလျက်ရှိကြောင်း၊ ဝါးထရံပြုလုပ်ရန် တင်းဝါးကို အသုံးပြုရပြီး ရေရှည်ခိုင်ခန့်စေရန်အတွက် ဝါးများအား ရေဝအောင်စိမ်ထားရကြောင်း ၊ ဝါးလုံး (၁၀၀) လုံးလျှင်(၂၀၀၀၀၀)သိန်းကျပ်ဖြင့် ပျဉ်းမနားမြို့မှ ဝယ်ယူရကြောင်း ၊ ဝါးကပ်ပြုလုပ်ရန်အတွက် ဝါးလက်၊ ကြက်သောင်းဝါးများကို အသုံးပြုရကြောင်း၊ ဝါးလုံး (၁၀၀) လုံးလျှင် ဝါးထရံ အမြင့် (၆)ပေ၊ အလျား(၁၅)ပေ(၁၀)ချပ် နှင့် ဝါးကပ်ရက်လုပ်လျှင် ဝါးလုံး(၁၀၀)လုံးလျှင် အမြင့်(၅)ပေ ၊ အလျား (၁၅)ပေ၊ (၈)ချပ် ရက်လုပ်နိုင်ကြောင်း ၊ ဈေးနှုန်းအနေဖြင့် ဝါးထရံ(၁)ချပ်လျှင် (၅၀၀၀၀)ကျပ် နှင့် ဝါးကပ်(၁)ချပ်လျှင်(၃၀၀၀၀)ကျပ်ဖြင့် ရောင်းချရကြောင်း၊အိမ်သား(၂)ဦးရက်လုပ်ပါက တစ်ရက်လျှင် ဝါးထရံ(၃)ချပ်နှင့် ဝါးကပ်(၁၀)ချပ် ရက်လုပ်နိုင်ကြောင်း ၊ အရိပ်ထဲတွင် အချိန်ကိုအကျိုးရှိစွာ အသုံးချပြီး ရက်လုပ်ရသောလုပ်ငန်းဖြစ်သလို နွေ ၊ မိုး၊ ဆောင်း သုံးရာသီပတ်လုံး အသုံးတည့်သည့် အသုံးအဆောင်ပစ္စည်း တစ်မျိုးဖြစ်သောကြောင့် အမြဲမပြတ် ဝင်ငွေရရှိသောကြောင့် မိသားစု ဝင်ငွေတိုး၍ စားဝတ်နေရေး အဆင်ပြေကြကြောင်း ဝါးကပ် ၊ ဝါးထရံ ပြုလုပ်ရောင်းချသူ ဦးဇော်ဇော်အောင်ထံမှ သိရှိရသည်။
DOCA(မန္တလေး)