စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြကြောင်း သိရသည်။
ယခုအခါ ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာနှင့် မြို့ပေါ်ရပ်ကွက်များတွင် မုန်လာဥနီများကို တစ်နိုင်တစ်ပိုင်စိုက်ပျိုးကြပြီး ထွက်ရှိသည့်မုန်လာဥနီများကို ကန့်ဘလူမြို့မဈေးတွင်ရောင်းချကြောင်း၊ မတ်လ စတုတ္ထပတ်အတွင်း မုန်လာဥနီ (၂၅)ကျပ်သား လျှင် (၁၀၀၀)ကျပ်၊ မုန်လာဥနီ(၁)ပိဿာလျှင် (၄၀၀၀)ကျပ်ဖြင့် ရောင်းချကြောင်း၊ မုန်လာဥနီများ ကိုအိမ်ရှင်မများဟင်းချက်ရာတွင်လည်းကောင်း၊ အသုပ်ဆိုင်များနှင့် စားသောက်ဆိုင်များမှဝယ်ယူ ကြသဖြင့်မုန်လာဥနီများ အရောင်းသွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။
DOCA(စစ်ကိုင်း)