စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးနှင့်မြို့နယ်တာဝန်ခံသည်(၂၅.၃.၂၀၂၅)ရက် နေ့ နံနက်(၀၉:၃၀) နာရီအချိန်တွင် ခရိုင်စိုက်ပျိုးထုတ်လုပ်မှုတိုးတက်မြင့်မားရေးကြီးကြပ်မှုကော်မတီဥက္ကဌ၊ ခရိုင်စိုက်တိုးမြှင့်အဖွဲ့ဝင်များ၊ မြို့နယ်စိုက်တိုးမြှင့် ဥက္ကဌနှင့် အဖွဲ့ဝင်များ၊ စိုက်ပျိုးရေးဝန်ထမ်းများ၊ မြေစာရင်းဝန်ထမ်းများ၊ ကျေးရွာအုပ်စု အုပ်ချုပ်ရေးမှူးများ၊ ဒေသခံတောင်သူများပူးပေါင်း၍ ဟင်္သာတခရိုင်၊ ဟင်္သာတမြို့နယ်၊ ကံလှကျေးရွာအုပ်စု၌ ကျင်းပပြုလုပ်သော ဆီထွက်သီးနှံ ဆောင်းနေကြာ စံကွက်စိုက်ခင်းရိတ်သိမ်းပွဲ အခမ်းအနားသို့ တက်ရောက်ခဲ့ကြောင်း သိရသည်။
အဆိုပါ ဆောင်းနေကြာ စံကွက်ရိတ်သိမ်းပွဲကို ဟင်္သာတမြို့နယ်၊ ကံလှကျေးရွာအုပ်စုရှိ တောင်သူ ဦးကျော်ဒွေး၏ စိုက်ခင်း(၃.၀၀) ဧက၌ ရေဆင်းစပ်မျိုး(၁) အမျိုးအစား ဆောင်းသီးနှံနေကြာ စံကွက်ရိတ်သိမ်းခဲ့ရာ တစ်ဧကလျှင် အစိုအထွက်တင်း(၃၀.၁၈)တင်း၊ အခြောက်အထွက် တင်း(၂၉.၅၁)တင်းထွက်ရှိခဲ့ပြီး၊ အဆိုပါ စိုက်ခင်းရိတ်သိမ်းမှုကို ခရိုင်စိုက်ပျိုးထုတ်လုပ်မှုတိုးတက် မြင့်မားရေးကြီးကြပ်မှုကော်မတီဥက္ကဌ ဦးအောင်မြင့်စိုးနှင့်အဖွဲ့ဝင်များက ကြည့်ရှုအားပေးကြပြီး တောင်သူများအနေဖြင့် အထွက်နှုန်းပြည့်မီစေရေး အလေးထားဆောင်ရွက်ကြရန်နှင့် ဒေသအတွင်း ဆီဖူလုံရေးအတွက် တစ်နိုင်တစ်ပိုင်ကစ၍ စီးပွားဖြစ်စိုက်ပျိုးနိုင်ရေးကို ကြိုးစားပြီး စိုက်ပျိုးသွား ကြရန် မှာကြားခဲ့ပြီး စံကွက်ရိတ်သိမ်းပွဲကို နေ့လည် (၁၂:၀၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။
DOCA(ဧရာဝတီ)