ကျောက်ဖရုံသီးသည် ကျန်းမာရေးအတွက် အထောက်အကူပြုသော အသီးအနှံတစ်မျိုး ဖြစ်ပါသည်။ အဆုတ်၊ အူမကြီးကို ကောင်းမွန်စေသော သီးနှံတစ်မျိုးဖြစ်ပြီးကင်ဆာရောဂါကိုလည်း ကာကွယ်ပေး နိုင်ပါသည်။ နွေရာသီတွင်စားသုံးပေးလျှင် အထူးသင့်လျော်သော သီးနှံတစ်မျိုးဖြစ်ပါသည်။ ကျောက်ဖရုံ သီးကို အားနည်းတတ်သောသူ၊ ခေါင်းမူးတတ်သောသူ၊ ဖြူဖတ်ဖြူရော်ဖြစ်နေသောသူ၊ မျက်လုံးအမြင် ဝေဝါးခြင်း၊ ကျောက်ကပ်ရောဂါ ခံစားနေရသောသူများနှင့် ဆီးရောဂါခံစား နေရသောသူများ အထူးစားသုံး ပေးသင့်ပါသည်။ ကျောက်ဖရုံသီးသည် ခန္ဓာကိုယ်အတွင်းရှိ အပူများကိုစုတ်ယူပေးသောကြောင့် လူတိုင်း စားသုံးပေးသင့်ပါသည်။ သွေးတိုးနှင့်ကျောက်ကပ် ရောဂါများကိုလည်း ကာကွယ်ပေးနိုင်ပါသည်။
ကျောက်ဖရုံသီးကို မျိုးစေ့ဖြင့် စိုက်ပျိုးကြသည်။ ဒေသမျိုးတွင် အလုံးလတ်(၁-၂)ပေနှင့် အလုံးကြီးနှစ်ပေနှင့် အထက်အရှည်မျိုးဟူ၍ ရှိသည်။ အလုံးလတ်မျိုးကို စီးပွားဖြစ်မြေလွှတ်စိုက်ပျိုး ကြသည်။ အလုံးကြီးများကို အချို့ဒေသများတွင်စင်တင်၍ စိုက်ပျိုးကြသည်။ မျိုးအားလုံးသည် အပြင်ခွံတွင် ဖရောင်းပါဝင်မှုများ၍ အဖြူရောင်ပိုတောက်သည်။ အချို့ဒေသများတွင် သစ်ပင်ကြီးများ နှင့်တဲများ အပေါ်တွင်တင်၍ နှစ်ပတ်လည်စိုက်ပျိုးထားတတ်ပြီး အလုံးလတ်မျိုးများကို ယိုလုပ်ငန်း အတွက်စီးပွားဖြစ် မြေလွှတ်၍စိုက်ပျိုးကြသည်။ မိုးတွင်းတွင်စိုက်ပျိုးပြီး (၂)လကြာသောအခါတွင် ခူးစွတ်ကြရသည်။ ၁ချိုးလျှင် အလုံး(၁၂၀) (၂)ရက်ခြားတစ်ခါ ခူးဆွတ်ရပါသည်။ ကျောက်ဖရုံသီး သည် ခူးစွတ်ပြီး (၁)လအကြာ ထိထား၍ရပါသည်။ ကျောက်ဖရုံသီးကို မင်းလှမြို့မ စျေးတွင် ၁လုံးလျှင် ၂၅၀၀ကျပ်နှုန်းဖြင့် ကျောက်ဖရုံသီး ရောင်းချသူ တစ်ဦးထံမှ မေးမြန်းသိရှိရပါသည်။
DOCA(ပဲခူး)