တောင်ငူမြို့ ညောင်ပင်ဈေးတွင် ဖေဖော်ဝါရီလအကုန်လောက်မှစ၍ ပဒက်စာများ ပေါ်နေပြီဖြစ် ပါသည်။ ပဒက်စာမှာ ယခုလိုနွေရာသီတွင်ပေါ်သော ရာသီစာ အစားအစာ တစ်မျိုးဖြစ်ပြီး ပဒက်စာကို အရံဟင်းဖြစ်သော ဟင်းချို၊ အချဉ်ရည်ဟင်း စသည့်အရည်သောက်ဟင်းများတွင် ပါဝင်ပစ္စည်း အဖြစ် အသုံးပြုကြပါသည်။
တောင်ငူမြို့ ညောင်ပင်ဈေး၌ ယခုလအစောပိုင်းတွင်ရောင်းချနေသော ပဒက်စာများ မှာ ရန်ကုန်တိုင်းဒေသကြီးမှ တင်သွင်းသောပဒက်စာများ ဖြစ်ပါသည်။ ယင်းပဒက်စာများမှာ အပွင့်အရွယ် အစားသေးငယ်ပြီး (၂) ပွင့်ခန့် စည်းထားသော ပဒက်စာ (၁)စည်းလျှင် ပေါ်ဦးပေါ်ဖျားကာလ ၌ (၁) စည်း (၅၀၀) ကျပ်ခန့်ရှိရာမှ မတ်လ တတိယပတ်တွင် (၁) စည်း (၃၀၀) ခန့်ကျဆင်းသွားပါ သည်။
ယခုမတ်လ တတိယပတ်တွင် တောင်ငူမြို့ဒေသထွက် ပဒက်စာများပေါ်နေပြီဖြစ်ပါသည်။ တောင်ငူဒေသထွက် ပဒက်စာများမှာ အပွင့်အရွယ်အစားကြီးမားပြီး ဟင်းချက်ရာတွင် အနံ့ပိုမွှေးပြီး ဈေးနှုန်းအားဖြင့် အပွင့်ကြီး (၂) ပွင့်ပါ (၁)စည်းလျှင် (၅၀၀) ကျပ်ခန့်ရှိပါသည်။ တောင်ငူဒေသ ထွက် ပဒက်စာများမှာ အပွင့်ကြီးမားပြီး အနံ့ပိုမွှေးသောကြောင့် ရန်ကုန်တိုင်းဒေသကြီး မှ တင်ပို့သော ပဒက်စာထက် ဈေးနှုန်းအနည်းငယ်မြင့်သော်လည်း စားသုံးသူပြည်သူများ ကြိုက်နှစ်သက်သောကြောင့် ပုံမှန်အရောင်းအဝယ်ဖြစ်လျှက်ရှိကြောင်း ညောင်ပင်ဈေးမှ ဟင်းရွက်ရောင်းချသူ တစ်ဦးထံမှ လေ့လာ သိရှိခဲ့ပါသည်။
DOCA(ပဲခူး)