တောင်ငူမြို့ ညောင်ပင်ဈေးတွင် ရန်ကုန်တိုင်းဒေသကြီးမှ တင်ပို့သော ရာသီစာ ဖလံတောင်ဝှေး များ စတင်ရောင်းချနေပြီဖြစ်ပါသည်။ ဖလံတောင်ဝှေးမှာရှေးယခင်က တောစပ်စပ် နေရာများတွင် အလေ့ကျပေါက်သော အပင်တစ်မျိုးဖြစ်ပါသည်။
တောစပ်စပ်တွင် မိုးဦးကျကာလမှ ပေါက်သောဖလံတောင်ဝှေးများကို လိုက်လံချိုးယူ၍ ထမင်း ဝိုင်းတွင် ဟင်းတစ်ခွက်အဖြစ်ချက်ပြုတ်စားကြသလို နီးစပ်ရာဈေးများတွင် ရာသီပေါ် အစားအစာ အဖြစ် လာရောက်ရောင်းချကြသူများလည်းရှိပါသည်။
တောင်ငူမြို့ ညောင်ပင်ဈေးတွင် ယခုမတ်လ ဒုတိယပတ်မှစ၍ ရန်ကုန်တိုင်းဒေသကြီးမှ တင်ပို့ သော ဖလံတောင်ဝှေးများ စတင်ရောင်းချနေပါသည်။ ယင်းဖလံတောင်ဝှေးများမှာ ဒေသတွင်း မှ ထွက်ပေါ်သော ဖလံတောင်ဝှေးများထက် အရွယ်အစား (၂)ဆ ခန့်ကြီးမားပါသည်။ ဖလံတောင်ဝှေးအား ဝက်သား၊ ကြက်သားနှစ်သက်ရာ အသားဖြင့်ရောနှော၍ ကြော်စားကြသလို အသား မပါပဲ သတ်သတ် လွတ် ကြော်စားကြသူများလည်းရှိပါသည်။ ရာသီစာအစားအစာဖြစ်သဖြင့် စားသုံးသူများ နှစ်ခြိုက်သော အစားအစာတစ်မျိုးလည်းဖြစ်ပါသည်။ ဖလံတောင်ဝှေးဈေးနှုန်း အနေဖြင့် (၁၀) တောင့် ပါ အစည်း (၁) စည်းလျှင် ယခင်မတ်လ ဒုတိယပတ်က (၂၀၀၀) ကျပ်ခန့်ရှိရာမှ ယခုမတ်လ တတိယ ပတ်တွင် (၁) စည်း (၁၅၀၀) ကျပ်ခန့်ဈေးနှုန်းကျဆင်းသွားပါသည်။ ထို့ပြင် ဒေသတွင်းမှ ပေါ်သော ဖလံတောင်ဝှေး များ ပေါ်လာပါက ဈေးနှုန်း ထပ်မံကျဆင်းနိုင်ကြောင်း ညောင်ပင်ဈေးရှိ ကုန်စိမ်း ရောင်းချသူတစ်ဦးထံမှ သိရှိရပါသည်။
DOCA(ပဲခူး)