ယခုရောက်ရှိပြီဖြစ်သော နွေရာသီ၏ အပူဒဏ်နှင့် သင့်လျော်သော အသီးများတွင် ဆန်းကစ်သည် လည်း တစ်မျိုး အပါအဝင်ဖြစ်ပါသည်။ ဆန်းကစ်သီးများသည် အရေခွံထူသောကြောင့် လက်နှင့် ခွာရန် မလွယ်ကူပါ။ ဆန်းကစ်သီးထဲတွင် ဗီတာမင်စီ၊ ဗီတာမင်အေ၊ ဖောလိတ်ဓါတ်၊ ပိုတက်ဆီယမ်၊ ပရိုတင်းဓါတ်များ ပါဝင်သောကြောင့် ကျန်းမာရေးအတွက်များစွာ အကျိုးပြုစေပါသည်။
ဆန်းကစ်သီး၏ အရသာမှာ ချိုချဉ်အရသာရှိ၍ ယခုရာသီဥတုနှင့် ကိုက်ညီသောကြောင့် ဖျော်ရည် အဖြစ် သောက်သုံးကြပါသည်။ ဆန်းကစ်သီးဖျော်ရည် သောက်သုံးပြီးချိန်တွင် လူကို လန်းဆန်းစေသော ကြောင့် လူကြီးလူငယ်မရွေး ကြိုက်နှစ်သက်ကြပါသည်။ ဆန်းကစ်သီး ၅၀သားလျှင် ၆၀၀၀ ကျပ်မှ ၈၀၀၀ ကျပ်အထိရောင်းချပြီး ၁ပိဿာလျှင် ၁၂၀၀၀ ကျပ်မှ ၁၄၀၀၀ ကျပ်အထိ ရောင်းချလျက်ရှိရာ ရာသီဥတုနှင့် သင့်လျော်သော အသီးတစ်မျိုးဖြစ်သည့်အတွက် ရောင်းအားကောင်းကြောင်း တောင်ငူမြို့ ညောင်ပင်လေးဈေးမှ ဈေးသည်များ၏ ပြောကြားချက်များအရ သိရှိရပါသည်။
DOCA(ပဲခူး)