ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ မီးလောင်ကျေးရွာတွင် တိုင်ထောင်ပဲများ စိုက်ပျိုးထားရှိပါသည်။ မီးလောင်ကျေးရွာတွင် အသီးအနှံမျိုးစုံစိုက်ပျိုးထားရှိပြီး ယခုအချိန်သည် တိုင်ထောင်ပဲများထွက်ရှိကြောင်းသိရသဖြင့် ကွင်းလေ့ရာတွင် တိုင်ထောင်ပဲကို စိုက်ပျိုးရန် ဘောင် ပြုလုပ်ပြီး ကျွင်းတူးမျိုးစေ့ချခြင်း စိုက်ပျိုးရပါသည်။ စိုက်ပျိုးပြီး (၈) ရက်ကြာလျှင် အညှောင့် ပေါက်ပြီး အညွှန့်တက်အမှီဝါးတိုင်များပြုလုပ်ရသည်။ တိုင်ထောင်ပဲ စိုက်ပျိုးထုတ်လုပ် ကုန်ကျ စရိတ်အနေဖြင့် မြေဩဇာ၊ ရေလောင်းခြင်း၊ လုပ်အားခ၊ မျိုးဖိုး စုစုပေါင်းကုန်ကျစရိတ်မှာ (၁၅၀၀၀၀) ကျပ်ကုန်ကျသည်။ တိုင်ထောင်ပဲကို တပေါင်းလ ကုန်ခါနီး နောက်ဆုံးပတ်တွင် စတင် စိုက်ပျိုး၍ စိုက်ပျိုးပြီး (၄၅)ရက်ကြာလျှင် ခူးဆွတ်ရောင်းချလို့ ရကြောင်းသိရသည်။ တစ်ခါခူးလျှင် တိုင်ထောင်ပဲအတောင့်ရေ (၂၅၀၀)မှ (၃၀၀၀)ထိ ရရှိပြီး တစ်ရက်ခြားတစ်ခါခူးဆွတ်ရပါသည်။ ထွက်ရှိလာသောပဲသီးများကို ကုန်စိမ်းဒိုင်များမှ အခင်းထဲထိ ဆင်း၍ ဝယ်ယူကြပြီး ပဲတောင့် (၁) တောင့်လျှင်(၄၀)ကျပ်ဖြင့် ရောင်းချကြောင်း သိရပါသည်။ တိုင်ထောင်ပဲ စိုက်ပျိုးသူတောင်သူ အကျိုးအမြတ်အနေဖြင့် ကုန်ကျစရိတ်ထက် ထက်ဝက်ကျော်မြတ် ကြောင်းသိရသည်။
DOCA(ပဲခူး)