ခေါင်းလောင်းပုံသဏ္ဍာန် အနီရောင်အသီးကို နှင်းသီးဟုခေါ်ကြသည်။ နှင်းသီးသည် ချိုမြမြ အရသာရှိပြီး အရည်ရွှမ်းသဖြင့် ရေငတ်လည်းပြေစေသည်။ စျေးနှုန်းသက်သာသဖြင့် နှင်းသီးပေါ်ချိန် ရောက်သောအခါ လူအများစုက ပန်းသီးအစားနှင်းသီးကိုသာ ရွေးချယ်စားကြသည်။ အပေါ်ယံအခွံမာ တင်းနေသော အသီးများက လတ်ဆတ်မှုရှိသဖြင့် အရည်ပိုရွမ်းသည်။ နှင်းသီးကို ပြည်တွင်း၌ သစ်သီးအဖြစ် စားသုံးလေ့ရှိကြပြီး တခြားနိုင်ငံများ၌ နှင်းသီးကို အချိုရည်၊ ယို၊ ဂျယ်လီအဖြစ် ပြုလုပ် စားသုံးကြသည်။ ထားဝယ်ဒေသတွင် နှင်းသီးကို ဘုပျိုသီးဟုလည်းခေါ်ကြသည်။ ထားဝယ်မြို့နယ် သပြေချောင်းစျေးတွင် နှင်းသီးကို (၁၅)လုံးလျှင် (၁၀၀၀/-) ကျပ်ဖြင့်ရောင်းချနေကြောင်း သိရှိရပါသည်။
DOCA(တနင်္သာရီ)