တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်အတွင်းရှိ ကျေးရွာများနှင့် မြို့ ပေါ်ရပ်ကွက်နေ တောင်သူများသည် ဥယျာဉ်ခြံလုပ်ငန်းများ လုပ်ကိုင်ကြရာ နှစ်ရှည်သီးနှံများနှင့် ရာသီ ပေါ်သီးနှံများ စိုက်ပျိုးရောင်းချကြပြီး ယခုအချိန်တွင် နာနတ်သီးပေါ်ချိန်ဖြစ်သည့်အတွက် တောင်သူ များအနေဖြင့် နာနတ်သီးခူးဆွတ်ရောင်းချရာမှ မိသားစုအပိုဝင်ငွေရရှိကြောင်း သိရှိရပါသည်။
နာနတ်သီးကို ယခုလပိုင်းများတွင် စတင်ခူးဆွတ်ကြပြီး ဈေးကွက်အတွင်းသို့ ရောင်းချကြကာ လက်ရှိ စည်ပင်သာယာဈေး၊ ကမ်းနားဈေးနှင့် ဈေးငယ်များ၌ တစ်လုံးလျှင် (၃၀၀၀)ကျပ်မှ (၃၅၀၀) ကျပ်အတွင်းရှိပြီး ဈေးကောင်းလျက်ရှိကြောင်းလည်း သိရှိရသည်။
DOCA(တနင်္သာရီ)