စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ ပေါ်ရပ်ကွက်တွင် မိသားစု စားဝတ်နေရေးအတွက် ကန့်ဘလူမြို့ မိုးမလင်းဈေးနှင့် မြို့မဈေးကြီးထဲတွင် ကုန်စိမ်းသီးနှံနှင့် တွက်ဖက်၍ ပဲရေဖွှ၊ တို့ဟူးစိမ်းတို့ကိုပါ လုပ်ကိုင်ရောင်းချလျက်ရှိကြောင်း သိရပါသည်။
တို့ဟူးစိမ်းသည် လူကြီး လူငယ်အရွေး ကြိုက်နှစ်သက်ပြီး မိမိတို့ နေ့စဉ် စားသုံးနေသော ထမင်းအတွက် အရန်ဟင်းတစ်ခွက်အဖြစ် အသုံးပြုကြသလို တို့ဟူးစိမ်းကို မနက်အစောစာအဖြစ် သုပ်စားခြင်း၊ တို့ဟူးကြော်ကို ကောက်ညှင်းပေါင်း နှင့်စားခြင်း၊ မုန့်တီသုပ်ထဲတွင်ထည့်ခြင်း၊ တို့ဟူးစိမ်းကို အစုံသုပ်၊ သင်္ဘောသီးသုပ်တို့ထဲတွင်ထည့်ခြင်း၊ တို့ဟူးစိမ်းကို အခြောက်လှမ်းပြီး တို့ဟူးခြောက်ကြော်စားခြင်းနှင့် တို့ဟူးစိမ်းကို အတုံးလေးတုံးပြီး ခရမ်းချဉ်သီးအနှစ်ဖြင့် အရန်ဟင်းအဖြစ် ချက်စားကြပါသည်။
ယခု ၂၀၂၅ ခုနှစ်၊ ဧပြီလ ပထမပတ်အတွင်း ဖြစ်ပေါ်နေသော ကန့်ဘလူမြို့၏ တို့ဟူးစိမ်း ဈေးနှုန်းများမှာ တို့ဟူးစိမ်း တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင်(၁၀၀၀)ကျပ်၊ (၂၅)ကျပ် သားလျှင်(၅၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေး၌ ကုန်စိမ်း သီးနှံမျိုးစုံ ရောင်းချနေသော ဈေးသည် တစ်ဦးထံမှ သိရသည်။
DOCA(စစ်ကိုင်း)