စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ် ရပ်ကွက်များတွင် ရှားပါးသော ရာသီ၌ ရောင်းချရန်အတွက် ဒေသအတွင်းထွက်ရှိသည့် မျှစ်များ လှိုင်လှိုင်ပေါချိန်တွင် မျှစ်ချဉ်/မျှစ်ချိုတို့ကို နှစ်လည်ခါကြူရောင်းချရန်အတွက် စဉ့်အိုးများ အင်တုံများ ပလတ်စတစ်အကြည်အိပ်များနှင့် သိပ်ထားပြီး ရှားပါသည့်အချိန်တွင် ဒေသထွက် မျှစ်ချဉ်ကို ရောင်းချကြပါသည်။ မျှစ်ချဉ်ကို ယခုလိုနွေဦးပေါက်ရာသီ အလှူပွဲ၊ မင်္ဂလာပွဲများတွင် အသုံးပြုမှုများပြီး အသုံးပြုကြပုံများမှာ မျှစ်ချဉ်ချဉ်ရည်ကျို၊ မျှစ်ချဉ်နှင့်ဝက်ရိုးချက်ခြင်း၊ မျှစ်ချဉ်နှင့်ငါးခေါင်းချက်ခြင်း၊ မျှစ်ချဉ်ကိုပြုတ်၍သုပ်ခြင်းစသည့် ပုံစံအမျိုးမျိုးနှင့် ချက်ပြုတ်စားသောက်ကြပါသည်။
ယခင် ၂၀၂၅ ခုနှစ်၊ ဧပြီလ ပထမပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်ချဉ်ဈေးနှုန်းမှာ မျှစ်ချဉ် တစ်ပိဿာလျှင်(၈၀၀၀)ကျပ်၊ (၅၀)ကျပ်သားလျှင်(၄၀၀၀)ကျပ် နှင့် (၂၅)ကျပ်သား လျှင်(၂၀၀၀)ကျပ် တို့ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့၊ မြို့မဈေးတွင် မျှစ်ချဉ်ရောင်းချနေသော ဈေးသည်တစ်ဦးထံမှ သိရသည်။
DOCA(စစ်ကိုင်း)