မေမြို့ပန်းသည် မျိုးစိတ်အများကြီး ရှိသည့်အနက် မိမိတို့ဒေသ၏ ရေ၊ မြေ၊ ရာသီဥတုနှင့် ကိုက်ညီသော မျိုးစိတ်များကိုသာ စိုက်ပျိုးကြပြီး မေမြို့ပန်းသည် အဖြူရောင်၊ ကြက်သွေးရောင် ၊ ခရမ်းရောင် နှင့် ပန်းရောင် စသည့်ဖြင့် အရောင်အသွေးစုံလင်စွာဖြင့် လှပစွာပွင့်သော ပန်းတစ်မျိုး ဖြစ်ပြီး လူကြိုက်အများဆုံးပန်းဖြစ်သည်။ မေမြို့ပန်းကို ဗုဒ္ဓဘာသာဝင်လူမျိုးတို့၏ ဓလေ့ထုံးတမ်း အစဉ်အလာအရ မေမြို့ပန်းများကို ဘုရားပန်းအဖြစ်ကပ်လှူပူဇော်ခြင်း၊ ဘာသာရေးပွဲများဖြစ်သည့် တရားပွဲများတွင် အလှပန်းထိုးခြင်း၊ တရားဟောပုလ္လင်များတွင် အလှဆင်ခြင်းနှင့် မင်္ဂလာဆောင်ပွဲများတွင် အောင်ပန်းအဖြစ် အသုံးပြုလေ့ရှိကြပါသည်။
ယခု ၂၀၂၅ ခုနှစ်၊ ဧပြီလ ပထမပတ်အတွင်း ဈေးနှုန်းအနေဖြင့် မေမြို့ပန်း အက်စတာမျိုး (၃/၅)ပင်ပါ တစ်စည်းလျှင်(၇၀၀)ကျပ်၊ (၁၀)စည်းပါတစ်ထုံးလျှင်(၆၅၀၀)ကျပ်၊ မေမြို့ပန်း ကြက်လည်ဆံမျိုး(၃/၅)ပင်ပါ တစ်စည်းလျှင်(၅၀၀)ကျပ်၊ (၁၀)စည်းပါတစ်ထုံးလျှင်(၄၅၀၀)ကျပ် တို့ဖြင့် ရောင်းချပြီး အရောင်းအဝယ်သွက်လျက်ရှိကြောင်း ပန်းရောင်းချသူများထံမှ သိရသည်။
DOCA(စစ်ကိုင်း)