ကချင်ပြည်နယ်အထက်ပိုင်းတွင် မိုးရွာသွန်းမှုများပြားခဲ့သည့်အတွက် ဧရာဝတီမြစ်ရေသည် ဗန်းမော်မြို့တွင် ၂၀.၆.၂၀၂၂ ရက်နေ့၌ စိုးရိမ်ရေအမှတ်(၁၁၁၀)စင်တီမီတာအထိ ရောက်ရှိလာပြီး မြို့၏အနိမ့်ပိုင်းရပ်ကွက် နေအိမ်အချို့ရေနစ်မြုပ်၍ အိမ်ထောင်စု(၃၁၀)စု လူဦးရေ ကျား(၅၆၉)ဦး၊ မ(၆၁၅)ဦး၊ စုစုပေါင်း(၁၁၈၄)ဦးမှာ ရပ်ကွက်(၇)ခုရှိ ဘုန်းကြီးကျောင်းနှင့်ဓမ္မာရုံ(၉)ခုတို့တွင် ရေဘေးရှောင်နေရပါသည်။ လက်တလောစားသောက်ရေးအဆင်ပြေစေရန်အတွက် ဗန်းမော်ခရိုင် စားသုံးသူရေးရာဦးစီးဌာန၊ ခရိုင်ဦးစီးမှူး ဦးအောင်ကျော်ဦးသည် ဆန်ကုန်သည်၊ ပြောင်းကုန်သည်၊ ကုန်သည်နှင့်လုပ်ငန်းရှင်အချို့ထံမှ ဆန်အိတ်အလှူခံခဲ့ရာ (၆၇)အိတ်ရရှိခဲ့ပြီး ခရိုင်စီမံအုပ်ချုပ်ရေးအဖွဲ့၊ တပ်နယ်မှတာဝန်ရှိသူများနှင့်အတူ ရေဘေးရှောင်ပြည်သူများသို့ ပြန်လည်ခွဲဝေပေးခဲ့ပါသည်။ စည်ပင်သာယာရေးအဖွဲ့အမှုဆောင်မှလည်း ဈေးသူဈေးသားများထံမှ အလှူခံရရှိသော အသင့်စားခေါက်ဆွဲခြောက်(၃၉)ဖာအား ရေဘေးရှောင်စခန်းအသီးသီးသို့ လိုက်လံပေးဝေခဲ့ကြောင်း သိရှိရပါ သည်။
DOCA(ကချင်)