Main menu

ကျိုင်းတုံမြို့ စက်သုံးဆီဈေးနှုန်း အခြေအနေ

Powered by Drupal

         ရှမ်းပြည်နယ်(အရှေ့ပိုင်း) စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှဝန်ထမ်းများသည် ကျိုင်းတုံမြို့ လွယ်မွေလမ်နှင့် မိုင်းလားလမ်းပေါ်ရှိ စက်သုံးဆီအရောင်းဆိုင်များသို့ (၈.၆.၂၀၂၂)ရက်နေ့ (၁၄:၀၀) အချိန်တွင်လည်းကောင်း၊ ကျိုင်းတုံမြို့ မိုင်းခတ်လမ်းပေါ်ရှိစက်သုံးဆီ အ‌ရောင်းဆိုင်များသို့ (၉.၆.၂၀၂၂) ရက်နေ့(၁၃:၀၀) အချိန်တွင်လည်းကောင်း၊ ကျိုင်းတုံမြို့ တာချီလိတ်လမ်းပေါ်ရှိ စက်သုံးဆီအ‌ရောင်းဆိုင်များသို့ (၁၀.၆.၂၀၂၂) ရက်နေ့ (၁၁:၃၀) အချိန်တွင်လည်းကောင်း၊ ကျိုင်းတုံမြို့ မိုင်းလားလမ်းပေါ်ရှိ စက်သုံးဆီအရောင်းဆိုင်များသို့ (၁၃.၆.၂၀၂၂)ရက်နေ့ (၁၅:၀၀)အချိန်တွင်လည်းကောင်း၊ ကျိုင်းတုံမြို့ မိုင်းခတ်လမ်းပေါ်ရှိစက်သုံးဆီအ‌‌ရောင်းဆိုင်များသို့ (၁၇.၆.၂၀၂၂)ရက်နေ့ (၁၄:၃၀)အချိန်တွင်လည်းကောင်း သွားရောက်၍ စက်သုံးဆီအချင်အတွယ် မှန်ကန်မှုရှိ/မရှိ၊ သတ်မှတ်ရည်ညွှန်းဈေးနှုန်းနှင့်အညီ ရောင်းချခြင်းရှိ/မရှိ၊ စက်သုံးဆီလက်ကျန်အခြေအနေများအား ရေနံထွက်ပစ္စည်းကြီးကြပ်စစ်ဆေးရေးဦးစီးဌာနနှင့် ပူပေါင်းကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ကျိုင်းတုံမြို့တွင် စက်သုံးဆီအရောင်းဆိုင်များသည် စက်သုံးဆီတင်သွင်းသိုလှောင်ဖြန့်ဖြူးခြင်၊း လုပ်ငန်းကြီးကြပ်ရေးကော်မတီမှ နေ့စဉ်ထုတ်ပြန်လျက်ရှိသော ရည်ညွှန်းဈေးနှုန်းများနှင့်အညီ ရောင်းချလျက်ရှိပြီး စက်သုံးဆီလက်လီဈေးနှုန်းများမှာ ယခင်မေလ တတိယအပတ်တွင် ဒီဇယ်ရိုးရိုး တစ်လီတာ (၂၆၅၀)ကျပ်၊ ဓာတ်ဆီ (၉၅) တစ်လီတာ (၂၅၈၀)ကျပ်၊ ဓာတ်ဆီ (၉၁) တစ်လီတာ (၂၄၀၀)ကျပ်ဖြစ်ပြီး၊ ဇွန်လ တတိယအပတ်တွင် ဒီဇယ်ရိုးရိုး တစ်လီတာ (၂၈၉၀)ကျပ်၊ ဓာတ်ဆီ (၉၅) တစ်လီတာ (၂၇၆၀)ကျပ်၊ ဓာတ်ဆီ (၉၁) တစ်လီတာ (၂၇၀၀)ကျပ်တို့ဖြင့် ရောင်းချလျက်ရှိသည့်အတွက် မေလ(တတိယပတ်)နှင့် ဇွန်လ (တတိယအပတ်)နှိုင်းယှဉ်ချက်အရ ဆီဈေးနှုန်းမှာ(၂၀၀)ကျပ်မှ (၃၀၀) ကျပ်ကြား အနည်းငယ်မြင့်တက်လာသည်ကို တွေ့ရှိရပါသည်။ ယခုချိန်ကာလသည် မိုးစပါးစိုက်သောရာသီဖြစ်သောကြောင့် တောင်သူလယ်သမားများအနေဖြင့် စပါးစိုက်ပျိုးမှုများအတွက် မြေယာများထွန်ယက်ရာတွင် လယ်ထွန်စက်ကို အဓိကထားအသုံးပြုသောကြောင့် ဒီဇယ်ဆီရောင်းလိုအား မြင့်တက်လျက်ရှိ‌ကြောင်း သိရှိရပါသည်။

DOCA(ရှမ်း)