လွတ်လပ်သောကုန်သွယ်ရေးစာချုပ်ချုပ်ဆိုခဲ့သည့် ထိုင်းနိုင်ငံနှင့် ဘူတန်နိုင်ငံ

    ထိုင်းနိုင်ငံနှင့် ဘူတန်နိုင်ငံတို့သည် နှစ်နိုင်ငံကြား ကုန်သွယ်ရေးဆက်ဆံမှုမြှင့်တင်ရန် ရည်ရွယ်၍ လွတ်လပ်သောကုန်သွယ်ရေးသဘောတူညီချက်(FTA)ကို ဧပြီလ ၃ ရက်နေ့က လက်မှတ်ရေးထိုးခဲ့ကြောင်း သိရပါသည်။ ထိုင်းနိုင်ငံ စီးပွားကူးသန်းဝန်ကြီး Pichai Naripthaphan က ထိုသဘောတူညီချက်သည် အကောက်ခွန်ကင်းလွတ်ခွင့်များမှတစ်ဆင့် နှစ်နိုင်ငံလုံးမှစီးပွားရေး လုပ်ငန်းများနှင့် စားသုံးသူများအတွက် အပြန်အလှန်အကျိုးစီးပွားများ ကို ဆောင်ယူပေးနိုင်မည်ဟု သိရပါသည်။ ထိုစာချုပ်သည် Mr Pichai အတွက် ၎င်း၏ လက်ရှိရာထူး အတွင်း ဒုတိယမြောက်ချုပ်ဆိုနိုင်ခဲ့သည့် ကုန်သွယ်ရေးသဘောတူညီချက်ဖြစ်ပြီး ထိုင်းနိုင်ငံ အတွက် ၁၇ ခုမြောက်စာချုပ် ဖြစ်ကြောင်း သိရပါသည်။ ထို့ပြင် စာချုပ်သည် ဘူတန်အတွက် တောင်အာရှအပြင်ဘက် ပထမဆုံး FTA ဖြစ်ကြောင်း သိရပါသည်။ ၂၀၂၄ ခုနှစ်တွင် နှစ်နိုင်ငံ အပြန်အလှန်ကုန်သွယ်မှုတန်ဖိုးသည် ဘတ် သန်း ၄၆၀ ကျော်ထိ ရောက်ရှိခဲ့ပြီး ထိုင်းနိုင်ငံက ကုန်ပစ္စည်းတင်ပို့မှုမှာ ဘတ် ၄၅၇ သန်းရှိပြီး ဘတ် ၃.၄၇ သန်းတန်ဖိုး ပြန်လည်တင်သွင်းကြောင်း သိရပါသည်။ ထိုင်းနိုင်ငံ၏ အဓိကပို့ကုန်များတွင် မိုဘိုင်းဖုန်းများနှင့် ကားအစိတ်အပိုင်းများ၊ ဂျုံ ထုတ်ကုန်များ၊ အသင့်စားအစားအစာများ၊ မိုက်ဖရို‌ဝေ့ဖ်အိုးများ၊ အဖျော်ယမကာများ၊ စည်သွပ် အစားအစာများနှင့် ပြုပြင်ထုတ်လုပ်ထားသည့်သစ်သီးများပါဝင်ကြောင်း သိရပါသည်။ ဘူတန်ထံ မှ ပြန်လည်တင်သွင်းသည့်ကုန်ပစ္စည်းများမှာ ဟင်းသီးဟင်းရွက်များနှင့် သစ်သီးများ၊ ကားအစိတ် အပိုင်းများ၊ သစ်နှင့် သစ်ထုတ်ကုန်များနှင့် အဖျော်ယမကာတို့ဖြစ်ကြောင်း သိရပါသည်။

Bangkok Post

DOCA(ရန်ကုန်)