ကနစိုပင်များသည် တပို့တွဲနှင့်တပေါင်းလများတွင် ပန်းပွင့်၍ တန်ခူးနှင့် ကဆုန်လများတွင် အသီးများမှည့်ကြသည်။ ထိုအချိန်၌ တစ်ပင်လုံး ဝါးဝင်းလုမတတ် လှပစွာ တွဲရရွဲ သီးနေသော ကနစိုးသီး တို့မှာ မြင်ရသူများအဖို့ သွားရည်ကျစရာ ဖြစ်စေပြီး စပျစ်သီးခိုင်ကဲ့သို့ အပြွတ်လိုက်၊ အခိုင်လိုက်သီးသဖြင့် အင်္ဂလိပ် လူမျိုးတို့က မြန်မာစပျစ်သီးပင်ဟူ၍ပင် အမည်ပေးထားကြသည်။
ကနစိုးသီးသည် မမှည့်သေးမီအချိန်တွင် အစိမ်းရောင်ရှိ၍ မှည့်လာသောအခါမှ ဝါလာ သည်။ အခွံဝါ အတွင်းရှိ နှင်းဆီ ရောင်ဖျော့ဖျော့ အမြွှာသုံးခုကို လူတို့စားသုံးကြသည်။ အမြွှာများ အတွင်း၌ အစေ့တစ်စေ့စီ ပါရှိ၏။ ကနစိုးသီးတွင် အချို့ သို့မဟုတ် ချိုချဉ်မျိုးနှင့် အချဉ်မျိုးဟူ၍ နှစ်မျိုးရှိပြီး မြန်မာနိုင်ငံ၌ အစေ့များကိုသာ စိုက်ပျိုးကြသည်။
ဧရာဝတီတိုင်းဒေသကြီး၊ ပုသိမ်မြို့အတွင်းရှိ ကုန်စိမ်းဈေးများနှင့် အသီးဆိုင်များတွင် မိုးရာသီသီးနှံဖြစ်သော ကနစိုးသီးများ စတင်ဝင်ရောက်လျက်ရှိကာ ရာသီစာသီးနှံဖြစ်သည့်အတွက် ဒေသခံများမှ ဝယ်ယူစားသုံးမှု များပြားလျက်ရှိပြီး (၁) တွဲလျှင် ကျပ် (၅၀၀) နှုန်းဖြင့် ရောင်းချ လျက်ရှိကြောင်း သိရပါသည်။
DOCA(ဧရာဝတီ)