စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှ မြို့ပေါ်ရပ်ကွက်များမှ တောင်သူများသည် စပါး၊ ပဲမျိုးစုံ၊ ပြောင်း၊ နှမ်းနှင့် စားဖိုဆောင် သီးနှံမျိုးစုံတို့ကို စိုက်ပျိုးသည့် လုပ်ငန်းဖြင့် အသက်မွေးဝမ်းကြောင်း ပြုကြရာတွင် ချဉ်ပေါင်ရွက်ကိုလည်း စိုက်ပျိုး ရောင်းချလျက်ရှိကြပါသည်။
ယခု ၂၀၂၅ ခုနှစ်၊ မေလ ပထမအပတ် ကျွန်းလှမြို့တွင်ဖြစ်ပေါ်နေသည့် ချဉ်ပေါင်ရွက်ဈေးနှုန်း မှာ ချဉ်ပေါင်ရွက် တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင်(၁၀၀၀)ကျပ်၊ (၂၅)ကျပ်သားလျှင် (၅၀၀) ကျပ်၊ (၁၀)ကျပ်သားလျှင် (၃၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကျွန်းလှမြို့ သစ်ရာမြိုင်ဈေးတွင် ကုန်စိမ်းသီးနှံမျိုးစုံ ရောင်းချနေသော ဈေးသည်တစ်ဦးထံမှ သိရသည်။
DOCA(စစ်ကိုင်း)