စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ် နေရာအနှံ့အပြားတွင် မန်ကျည်းပင် များ အလေ့ကျပေါက်ရောက်ကြောင်း၊ မန်ကျည်းသီးမှည့်တွင် အစေ့ပါမန်ကျည်းသီးမှည့်နှင့် အစေ့လွတ်မန်ကျည်းသီးမှည့်ဟူ၍ နှစ်မျိုးရှိပြီး ဈေးကွက်အတွင်း အစေ့လွတ်မန်ကျည်းသီးမှည့် များကို လူကြိုက်များ၍ အရောင်းအဝယ်ပိုဖြစ်ကြောင်း သိရသည်။
ကျွန်းလှမြို့နယ်တွင် မန်ကျည်းသီးမှည့်ကို ဝယ်ယူသည့်ပွဲရုံမရှိဘဲ ဒေသတွင်းရှိ အကြော်ဆိုင် များ၊ အကင်ဆိုင်များနှင့် စားသောက်ဆိုင်များမှ မန်ကျည်းမှည့်ဆော့ပြုလုပ်ရန် ဝယ်ယူကြကြောင်း၊ အဖျော်ရည်ဆိုင်များကလည်း အသုံးပြုကြောင်း၊ မေလ ပထမပတ်အတွင်း အစေ့လွတ်မန်ကျည်း သီးမှည့်တစ်ပိဿာလျှင် ၆၅၀၀ကျပ် ၊(၅၀)ကျပ်သားလျှင် ၃၅၀၀ကျပ် ၊(၁၀)ကျပ်သားလျှင် ၇၀၀ ကျပ်နှင့် အစေ့ပါမန်ကျည်းသီးမှည့် တစ်ပိဿာလျှင်၂၀၀၀မှ ၃၀၀၀ကျပ်ဖြင့် ရောင်းချလျက်ရှိ ကြောင်း မန်ကျည်းသီးမှည့် ရောင်းချသည့် လုပ်ငန်းရှင်ထံမှ သိရသည်။
DOCA(စစ်ကိုင်း)