အာရှဖွံ့ဖြိုရေးဘဏ် (ADB) သည် အာရှနှင့် ပစိဖိတ်ဒေသတွင် ရေရှည်စားနပ်ရိက္ခာ ဖူလုံစေ ရေးအတွက် အမေရိကန်ဒေါ်လာ ၂၆ ဘီလီယံဖြင့် ထောက်ပံ့ကူညီရန် အစီအစဥ်ရှိကြောင်း မေလ ၃ ရက်နေ့တွင်ကြေညာခဲ့ပြီး စာနပ်ရိက္ခာဖူလုံရေးစီမံချက်များအတွက် စုစုပေါင်းရန်ပုံငွေသည် ၂၀၂၂-၂၀၃၀ ခုနှစ်အထိ အမေရိကန်ဒေါ်လာ သန်း ၄၀ အထိရောက်ရှိရန်ရည်ရွယ်ထားကြောင်းသိရသည်။ အစိုးရနှင့် ကုမ္ပဏီများအတွက် ဘဏ္ဍာငွေနှင့် မူဝါဒဆိုင်ရာ ပံ့ပိုးကူညီမှုမှတစ်ဆင့် အဆိုပါအစီအစဉ် သည် အာရှနှင့် ပစိဖိတ်ဒေသတွင် မတူကွဲပြားပြီး အာဟာရ ပြည့်ဝသော အစားစားများထုတ်လုပ်ရန်၊ အလုပ်အကိုင်များ ဖန်တီးပေးရန်၊ ပတ်ဝန်းကျင်ဆိုင်ရာထိခိုက်မှုများကို လျှော့ချရန်နှင့်ခံနိုင်ရည်ရှိ သော စိုက်ပျိုးရေးထောက်ပံ့ရေးကွင်းဆက်များကို မြှင့်တင်ရန်ရည်ရွယ်ခြင်းဖြစ်သည်။ ထိုရန်ပုံငွေ ဒေါ်လာ ၂၆ ဘီလီယံတွင် အစိုးရများအတွက် တိုက်ရိုက် ADB ထောက်ပံ့မှုတွင် ဒေါ်လာ ၁၈.၅ ဘီလီယံနှင့် ပုဂ္ဂလိကကဏ္ဍရင်းနှီးမြှုပ်နှံမှုများတွင် ဒေါ်လာ ၇.၅ ဘီလီယံပါဝင်မည်ဖြစ်သည်။ မိုးခေါင် ခြင်း၊ ရေကြီးခြင်း၊ အပူလွန်ကဲခြင်းနှင့် သဘာဝရင်းမြစ်များ ပျက်စီးယိုယွင်းခြင်းများ သည် စားနပ်ရိ က္ခာဖူလုံစေရေးနှင့် ကျေးလက်အသက်မွေးဝမ်းကျောင်း လုပ်ငန်းများကို ခြိမ်းခြောက်နေပြီး၊ တစ်ချိန် တည်းတွင်ပင် စိုက်ပျိုးရေးထုတ်လုပ်မှုကို ထိခိုက်စေကြောင်း အီတလီနိုင်ငံမီလန်တွင်ပြုလုပ်သည့် ADB နှစ်ပတ်လည်အစည်းအဝေးတွင် ADB ဥက္ကဌ Masato Kanda မှ ပြောကြားခဲ့သည်။
Source : Xinhua
DOCA(ရန်ကုန်)