ပဲပင်ပေါက်သည်ရာသီမရွေးရောင်းချသော ဟင်းသီးဟင်းရွက်သီးနှံတစ်မျိုးဖြစ်ပါသည်။ ပဲတီစိမ်းကို ပဲတီအပင်ဖောက်၍ ရောင်းချရာ အပင်ဖောက်ရာတွင်လည်း အသစ်ပေါ်သော အပင်ဖောက်၍မရကြောင်း ပဲတီစိမ်းအဟောင်းကိုသာ ရွေးဝယ်ပြီး ပဲတီပင်ဖောက်ကြ ကြောင်းသိရှိ ရပါသည်။ပဲပင်ပေါက်ကို ကန်စွန်းရွက်နှင့် ရောကြော်စားခြင်း၊ ပဲပင်ပေါက်အချဉ်သိပ်၍ ပဲပင် ချဉ်ပြုလုပ်၍လည်းကောင်း၊ ပဲပင်ပေါက်ကို ဟင်းရည်အမျိုးမျိုးတွင် ထည့်၍ စားသောက်ခြင်းဖြင့်လည်းကောင်း၊ အသုပ်စုံတွင်ထည့်၍လည်းကောင်း စားသုံးများပြားသည့် အသီးအနှံဖြစ်ပါသည်။ မြင်းခြံမြို့ အေးမြသီတာဈေး၊ စံပြဈေးတို့တွင် ပဲပင်ပေါက်ဈေးနှုန်းမှာ (၂၅)ကျပ်သား (၇၀၀)ကျပ်ရှိပြီး တစ်ပိဿာလျှင် (၂၅၀၀)ကျပ်ရှိကြောင်း သိရသည်။
DOCA(မန္တလေး)