မကွေးတိုင်းဒေသကြီး၊ ပခုက္ကူခရိုင်အတွင်းရှိ ကြက်သွန်နီ စိုက်ပျိုးရာ ဒေသများဖြစ်သော ပေါက်၊ ရေပြာ၊ ဆိပ်ဖြူ၊ ရေစကြိုနှင့် ပခုက္ကူကျွန်းများတွင် ဆောင်းစိုက်(ပင်စိုက်)များကို အဓိက စိုက်ပျိုး ထုတ်လုပ်လျက်ရှိပါသည်။ ပခုက္ကူကြက်သွန်နီ ကုန်စည်ဒိုင်သို့ ပခုက္ကူဒေသထွက် ကြက်သွန် နီများ သာမက ပေါက်၊ ရေပြာ၊ ကမ္မနှင့် ပုလဲဒေသမှ ထွက်ရှိသော ကြက်သွန်နီများလည်း ဥပုသ်နေ့ မှလွဲ၍ အရောင်းအဝယ်ဖြစ်လျက်ရှိသည်။ ၂၀၂၅ခုနှစ်၊ မေလ(ပထမပတ်)တွင် ကြက်သွန်နီဈေးကျ ဆင်းပြီး အရောင်းအဝယ်ဖြစ်လျက်ရှိပါသည်။
ကြက်သွန်နီဈေးနှုန်းများအနေဖြင့် ၂၀၂၅ခုနှစ်၊ မေလ(ပထမပတ်)တွင် အရောင်းအဝယ် ဖြစ်နေသော လက်ကားဈေးနှုန်းမှာ ထိပ်စတစ်ပိဿာလျှင် ကျပ်(၁၃၀၀)၊ အလတ်စ တစ်ပိဿာလျှင် ကျပ်(၁၀၀၀)၊ အနိမ့်စတစ်ပိဿာလျှင် ကျပ်(၈၀၀)ဖြစ်ပြီး ယခင်ဧပြီလ(စတုတ္ထပတ်)ပတ်တွင် ကြက်သွန်နီ ထိပ်စတစ်ပိဿာလျှင် ကျပ် (၁၄၅၀)၊ အလတ်စတစ်ပိဿာလျှင် ကျပ်(၁၃၀၀)၊ အနိမ့်စ တစ်ပိဿာလျှင် ကျပ်(၁၀၀၀)ဖြစ်၍ ဈေးနှုန်းနှိုင်းယှဉ်ပါက တစ်ပိဿာလျှင် ကျပ်(၁၅၀)ကျပ်ခန့် ဈေးကျနေပြီး အရောင်းအဝယ်ဖြစ်လျက်ရှိကြောင်း၊ နေ့စဉ်အရောင်းအဝယ်ဖြစ်မှု ကုန်ချိန်မှာ (၁၀၀၀၀)မှ(၅၀၀၀၀)အထိဖြစ်ပြီး ဈေးကွက်အနေဖြင့် ရန်ကုန်၊ ဘုရင့်နောင်ပွဲရုံနှင့် ပြည်၊ ဟင်္သာတ၊ ပုသိမ်မြို့များသို့ စီးဆင်းလျက်ရှိကြောင်း သိရသည်။
DOCA(မကွေး)