တောင်ငူမြို့ ငါးခြောက်ဆိုင်များတွင် ရောင်းချနေသော အာဗြဲခြောက်သည်လည်း လူကြိုက်များသော ငါးခြောက်တစ်မျိုး ဖြစ်ပါသည်။ အရသာမှာချိုပြီး ဆားလည်းပေါ့သဖြင့် စားကောင်းသည့် ငါးခြောက် တစ်မျိုး ဖြစ်ပါသည်။
ယခင်လက အာဗြဲခြောက် တစ်ပိဿာလျှင် ၅၀၀၀၀ကျပ်၊ ၁၀ ကျပ်သားယူလျှင် ၅၅၀၀၀ ကျပ် ဖြင့် ရောင်းချရာမှ ယခုလတွင် တစ်ပိဿာလျှင် ၄၅၀၀၀ ကျပ်၊ ၁၀ ကျပ်သားယူလျှင် ၅၀၀၀ ကျပ်ဖြင့် ဈေးနှုန်းအနည်းငယ် ကျဆင်းပါသည်။
အာဗြဲခြောက်ကို အမြီးညှပ် ခေါင်းဖြတ်သန့်စင်ပြီး မီးကင်ခြင်း၊ ကြော်စားခြင်း ကြိုက်နှစ်သက် ရာစားသုံးကြသည်။ ထို့ပြင် ဈေးဆိုင်များတွင်လည်း အသင့်စား အာဗြဲခြောက်ထုပ်များလည်း ရောင်းချ ကြသည်။ အသင့်စား အာဗြဲခြောက်ဖုတ်များကို ပလပ်စတစ်အိတ်ဖြင့် ထည့်ကာ တစ်ထုတ်လျှင် ၁၂၀၀ ကျပ်ဖြင့် ရောင်းချလျက်ရှိရာ အလွယ်တကူ စားသုံးနိုင်သည့်အတွက် ရောင်းအားကောင်းကြောင်း သိရှိရသည်။
DOCA(ပဲခူး)