ပဲခူးတိုင်း၊ ပြည်မြို့တွင် ယခုအချိန်တွင် သံပုရာစိုက်တောင်သူများ ဈေးကောင်းရ၍ ဝင်ငွေတိုး လျက်ရှိပါသည်။ သံပုရာပင်သည်စိုက်ပျိုးပြီး ၄-၅နှစ်မှစတင်၍ အသီးသီးပါသည်။ တစ်ဧကလျှင် သံပုရာပင် (၃၀၀)ကျော်ခန့်စိုက်ပျိုးနိုင်ပြီး အသီးသီးအားကောင်းသောနှစ်များတွင် တစ်ပင်လျှင် အသီး ၂၀၀-၂၅၀ ခန့်သီးနိုင်ကြောင်း သိရပါသည်။ ယခုဧပြီလတွင်သံပုရာသီးချောတစ်လုံး လျှင် (၂၀၀)ကျပ်၊ အသေးတစ်လုံးလျှင် (၁၀၀)ကျပ်နှင့်ရောင်းဝယ်လျက်ရှိပြီး ဈေးကောင်းရလျက်ရှိသည်။ ယခင်နှစ် ဈေးနှုန်းနှင့်နှိုင်းယှဉ်ကြည့်လျှင် ယခင်နှစ်ထက်ဈေးနှုန်းသက်သာကြောင်းတွေ့ရှိရပြီး ပြည်မြို့နယ်မှ ထွက်ရှိသောသံပုရာသီးများကို ဒေသတွင်းဝယ်လက်များ နှင့်ရန်ကုန် ဈေးကွက် သို့ပါတင်ပို့ ရောင်းချနေကြောင်းသိရှိရပါသည်။
DOCA(ပဲခူး)