အင်ဒိနီးရှားနိုင်ငံကုန်သွယ်ရေးဝန်ကြီးဌာနသည် အင်ဒိုနီးရှားနိုင်ငံအား ထောက်ပို့မှု အချက်အချာအဖြစ် အသုံးချခြင်းမှ ကာကွယ်ရန်အတွက် တင်ပို့ကုန်ပစ္စည်းများအတွက် မူရင်းသက်သေခံကတ်များ (SKA) ထုတ်ပေးမှုများအပေါ် ထိန်းချုပ်သွားမည်ဖြစ်ကြောင်း သိရပါသည်။ အဆိုပါ ထောက်ပို့မှုသည် ကုန်ပစ္စည်းများကို တစ်ခြားတစ်နိုင်ငံသို့မတင်ပို့မီတွင် လိုအပ်သော စာရွက်စာတမ်းများ ရရှိရန်အတွက် တစ်နိုင်ငံမှ နောက်တစ်နိုင်ငံသို့ ပြန်လည်လမ်းကြောင်းချပို့ခြင်း ဖြစ်ပါသည်။ တရုတ်နိုင်ငံသည် အဆိုပါနည်းလမ်းအား ကုန်သွယ်ရေးစစ်ပွဲအတွင်း အသုံးပြုနေကြောင်း တင်ပြထားပါသည်။ ကုန်သွယ်ရေးဝန်ကြီး Budi Santosa က “၎င်းတို့အနေဖြင့် SKA ၏ လည်ပတ်မှုများကို အနီးကပ်စောင့်ကြည့်ပြီး အရေးယူမှုများ ဆောင်ရွက်သွားမည်ဖြစ်ကြောင်း” မေလ ၈ ရက်နေ့တွင် ပြောကြားခဲ့ပါသည်။ ၎င်းသည် ကုန်ပစ္စည်းပမာဏများမြင့်တက်နေခြင်းသည် အမေရိကန်သမ္မတ ဒေါ်နယ်ထရန့်၏ အမိန့်အရ နိုင်ငံအသီးသီးမှ အကောက်ခွန်တိုးမြင့် ကောက်ခံခြင်းနှင့် ဆက်စပ်နေကြောင်း ပြောကြားခဲ့ပါသည်။ Santosa က ပြည်တွင်းစျေးကွက်တွင် ဆိုးကျိုးများ မဖြစ်ပေါ်စေရန်အတွက် ကုန်သွယ်ရေးဝန်ကြီးဌာနအား အင်ဒိုနီးရှားစီးပွားရေး လုပ်ငန်းရှင်များအား ထောက်ပို့များတွင် အဆင်ပြေစေရန် တိုက်တွန်းခဲ့ကြောင်း သိရပါသည်။ မေလ ၆ ရက်နေ့တွင် ဘဏ္ဍာရေးဝန်ကြီးဌာနမှ အကောက်ခွန်နှင့် ပြည်တွင်းအခွန်ညွှန်ကြားရေးမှုး Askolani က အစိုးရသည် ကနဦးလုပ်ဆောင်မှုများအနေဖြင့် ထောက်ပို့ရေးလမ်းကြောင်းများမှတစ်ဆင့် အင်ဒိုနီးရှားနိုင်ငံသို့ တင်ပို့လာသော တရုတ်နိုင်ငံမှ ကုန်ပစ္စည်းများကို ပိတ်ဆို့မည်ဖြစ် ကြောင်း ပြောကြားခဲ့ပါသည်။ ထို့အပြင် Askolani က ၎င်း၏ဌာနသည် သက်ဆိုင်ရာဝန်ကြီးဌာနများ၊ အေဂျင်စီများနှင့်အတူ ပြည်တွင်းစျေးကွက်စီးပွားရေးအားကာကွယ်ရန်အတွက် ၎င်းတို့၏ မူဝါဒများကို ထိန်းညှိသွားမည်ဖြစ်ကြောင်း သိရပါသည်။
Source: Antaranews
DOCA(ရန်ကုန်)