ဗီယက်နမ်တီလားပီးယားငါးတင်သွင်းမှုပိတ်ပင်ထားခြင်းကို ရုတ်သိမ်းလိုက်သည့် ဘရာဇီး

          ဘရာဇီးနိုင်ငံစိုက်ပျိုးရေးနှင့် မွေးမြူရေးဝန်ကြီးဌာန(MAPA) သည် ဗီယက်နမ် တီလားပီးယားငါး တင်သွင်းမှုပိတ်ပင်ထားခြင်းကို ရုတ်သိမ်းခဲ့ကြောင်း သိရပါသည်။ ၂၀၂၄ ခုနှစ် ဖေဖော်ဝါရီလတွင် MAPA သည် တီလားပီးယား တီလာပိုင်းဗိုင်းရပ်ကူးစက်မှုအန္တရာယ်ကို ဆန်းစစ်ရန်အတွက် ယာယီပိတ်ပင်ရန်ဆုံးဖြတ်ခဲ့ကြောင်း သိရပါသည်။ ၂၀၂၃ ခုနှစ် နိုဝင်ဘာလမှ ၂၀၂၄ ခုနှစ် ဖေဖော်ဝါရီလထိ ဘရာဇီးသည် ဗီယက်နမ်ထံမှ တီလားပီးယား ငါးအသားပြားများအတွက် သွင်းကုန်လိုင်စင် ၂၂ ခုကို ခွင့်ပြုခဲ့ကြောင်း သိရပါသည်။ ဘရာဇီးအစိုးရက ဗီယက်နမ်ထံမှ တီလားပီးယားတင်သွင်းခြင်းသည် ဗီယက်နမ်တွင် အမဲသား ဈေးကွက်ဖွင့်ပေးရန် မတ်လကဆွေးနွေးမှု၏ တစ်စိတ်တစ်ပိုင်းဖြစ်ကြောင်း သိရပါ သည်။ MAPA ကလည်း တင်သွင်းခွင့်ပြုခြင်းသည် အမျိုးသားကျန်းမာရေးကာကွယ်ရေး အတွက် မြင့်မားသည့်စံနှုန်းများအပေါ် သက်ရောက်မှုမရှိကြောင်း အတည်ပြုခဲ့ပါသည်။ ဘရာဇီးနိုင်ငံ ရှိ ဗီယက်နမ်ကုန်သွယ်ရေးရုံး၏အဆိုအရ နှစ်နိုင်ငံအကြား နောက်ထပ်ဆွေးနွေးညှိနှိုင်းမှုများသည် နိုင်ငံတကာအသိအမှတ်ပြုစံချိန်စံညွှန်းများနှင့်ကိုက်ညီသော Tra ငါးအသားပြားထုတ်ကုန်အမျိုး အစားအားလုံးကို ဘရာဇီးက တင်သွင်းခွင့်ပြုရန်အတွက် နောက်ဆုံးအဆင့်များ ပြီးမြောက်ရေးကို အဓိကထားမည်ဟု သိရပါသည်။ အပြန်အလှန်အနေဖြင့် ဗီယက်နမ်သည် ဘရာဇီးအမဲသား ထုတ်ကုန်များအတွက် တံခါးဖွင့်ထားမည်ဟု သိရပါသည်။ ဘရာဇီးအမဲသား ဝမ်းတွင်းသားထုတ်ကုန်များနှင့် ဗီယက်နမ်ပုဇွန်ထုတ်ကုန်အမျိုးအစားအားလုံးသည်လည်း လာမည့်အချိန်တွင် ဆွေးနွေးပွဲ စားပွဲဝိုင်းပေါ်သို့ရောက်ရှိလာမည်ဟု သိရပါသည်။

Reference; Vietnam Plus

DOCA(ရန်ကုန်)