ဗီယက်နမ်ကားထုတ်လုပ်သူဖြစ်သည့် VinFast သည် ၎င်း၏ပြင်သစ်နိုင်ငံတွင် ပထမဆုံး အရောင်းကိုယ်စားလှယ်အဖြစ် ASTRADA SIMVA နှင့် ဂျာမနီတွင် ဒုတိယမြောက်အရောင်း ကိုယ်စားလှယ်အဖြစ် Schachtschneider Automobile GmbH & Co KG တို့နှင့် တရားဝင် အရောင်းကိုယ်စားလှယ်သဘောတူညီချက်များ လက်မှတ်ရေးထိုးခဲ့ကြောင်း မေလ ၈ ရက်နေ့က ကြေညာခဲ့ပါသည်။ ASTRADA SIMVA သည် ၂၀၂၅ ခုနှစ် ဇွန်လတွင် VinFast showroom တစ်ခု ကိုဖွင့်လှစ်မည်ဖြစ်ပြီး Schachtschneider Automobile GmbH & Co KG က VinFast showroom ၃ ခုထိဖွင့်လှစ်သွားမည်ဟု သိရပါသည်။ ယခင်ကလည်း VinFast သည် ဂျာမနီတွင် Autohaus Hubsch နှင့် အရောင်းကိုယ်စားလှယ်အဖြစ် ပူးပေါင်းဆောင်ရွက်မှုသဘောတူညီချက် လက်မှတ်ရေးထိုးခဲ့ပြီး showroom ၂ ခုဖွင့်လှစ်ထားကြောင်း သိရပါသည်။ ထို ASTRADA SIMVA နှင့် Schachtschneider Automobile GmbH & Co KG Showroom များတွင် ဥရောပစားသုံးသူ များသည် လေ့လာခြင်း၊ စမ်းသပ်မောင်းနှင်ခြင်းနှင့် VinFast ၏ VF (B-segment) နှင့် VF 8(D-segment) တို့ကို ရောင်းချပြီးဝန်ဆောင်မှုများနှင့် အတူဝယ်ယူနိုင်မည်ဟု သိရပါသည်။ ထို ပူးပေါင်းဆောင်ရွက်မှုသည် ကမ္ဘာလုံးဆိုင်ရာအရောင်းကိုယ်စားလှယ်ကွန်ယက်ချဲ့ထွင်မည့် VinFast ၏ မဟာဗျူဟာတစ်စိတ်တစ်ပိုင်းဖြစ်ကြောင်း သိရပါသည်။ ထိုမဟာဗျူဟာသည် လုပ်ငန်းလည်ပတ်နိုင်စွမ်းနှင့် အမှတ်တံဆိပ်ရောက်ရှိမှုကို တိုးမြှင့်နိုင်ရုံသာမက စားသုံးသူဝယ်လို အားကြီးထွားလာမှုကို လျှင်မြန်စွာဖြေရှင်းရန် ရည်ရွယ်ကြောင်း သိရပါသည်။
Reference; Vietnam Plus
DOCA(ရန်ကုန်)