မြင်းခြံမြို့နယ်ရှိ MSME လုပ်ငန်းများဖွံ့ဖြိုးတိုးတက်ရေးအတွက် မြို့နယ်အတွင်း ရှိ MSME လုပ်ငန်းရှင်များနှင့် တွေ့ဆုံဆွေးနွေးပွဲအား (၄.၅.၂၀၂၅) ရက်နေ့၊ နေ့လယ် (၁၄:၃၀) နာရီအချိန်တွင် စားသုံးသူရေးရာဦးစီးဌာန၊ ခရိုင်ဦးစီးမှူးရုံး၌ ကျင်းပပြုလုပ်ခဲ့သည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး (လက်ထောက်ညွှန်ကြားရေးမှူး)က MSME လုပ်ငန်းများတွင် အသုံးပြုရန်အတွက် လိုအပ်သည့် စက်မှုလုပ်ငန်းသုံးစား အုန်းဆီများကို နိုင်ငံတော်မှ သက်သာသောနှုန်းထားများဖြင့် ရောင်းချပေး လျက်ရှိရာအဆိုပါလုပ်ငန်းသုံးဆီများကို လုပ်ငန်းရှင်များအနေဖြင့် လုပ်ငန်းခွင်များတွင် မှန်မှန် ကန်ကန် ပြန်လည်သုံးစွဲကြရန် လိုအပ်ပါကြောင်း၊ ဆက်လက်၍လည်းထုတ်ပေးလျက်ရှိပါကြောင်း၊ လုပ်ငန်း ရှင်များ၏ လစဉ်စားအုန်းဆီလိုအပ်ချက်များကို ကွင်းဆင်းစိစစ်၍ လုပ်ငန်းပမာဏအလိုက် ခွင့်ပြု ပေးလျက်ရှိပါကြောင်း၊ စားသုံးသူရေးရာဦးစီးဌာနအနေဖြင့် MSME လုပ်ငန်းများဖွံ့ဖြိုး တိုးတက်ရေး၊ ကုန်စည်နှင့်ဝန်ဆောင်မှုများနှင့်ပတ်သက်၍ စားသုံးသူများထိခိုက်နစ်နာမှု မဖြစ်ပေါ်စေရေး၊ ဈေးကွက်မရောက်မီ ဈေးကွက်စောင့်ကြည့်စစ်ဆေးခြင်းများ ဆောင်ရွက်နေပါကြောင်း၊ စီးပွားရေး လုပ်ငန်းရှင်များအနေဖြင့် လုပ်ငန်းကဏ္ဍအလိုက် ထုတ်လုပ်ဖြန့်ဖြူးရောင်းချလျက်ရှိသော ထုတ်ကုန် ပစ္စည်းများတွင် ဥပဒေနှင့်အညီ ကုန်အညွှန်းအမှတ်အသားများပြည့်စုံစွာဖော်ပြပါရှိစေရေး၊ လုပ်ငန်းများဖွံ့ဖြိုးတိုးတက်စေရေး ကူညီဆောင်ရွက်ပေးလျက်ရှိပါကြောင်းတို့အား လုပ်ငန်းရှင်များသိရှိနား လည်စေရန် ဟောပြောဆွေးနွေးခဲ့ရာ တက်ရောက်လာသောလုပ်ငန်းရှင်များက သိရှိလိုသည့် အချက်များအား မေးမြန်းဆွေးနွေးရာ ခရိုင်ဦးစီးမှူးနှင့်ဒုခရိုင်ဦးစီးမှူးတို့မှ ပြန်လည်ရှင်းလင်းဆွေးနွေးခဲ့ ကြောင်းနှင့် ဟောပြောပွဲသို့ လုပ်ငန်းရှင်(၆၅)ဦး တက်ရောက်ခဲ့ကြောင်း သိရှိရသည်။
DOCA(မန္တလေး)