တောင်ငူမြို့ ဈေးများသို့ ဒေသထွက်နှင့် အခြားအရပ်ဒေသများမှ ရာသီပေါ် ဟင်းသီး ဟင်းရွက် သစ်သီးဝလံများ လာရောက်ရောင်းချလျှက်ရှိရာ ယခုအခါ အရှေ့ဘက် တောင်ပေါ်ဒေသ ကရင်ပြည်နယ် သံတောင်ကြီးမြို့မှ မျှစ်များ စတင်ရောင်းချလျက်ရှိ ပါသည်။
မျှစ်သည် သဘာဝအလျောက် ပေါက်သည့် အစားအစာ တစ်မျိုးဖြစ်သည်။ မျှစ်ကို ပြုတ်၍ တို့စရာအဖြစ်လည်းကောင်း၊ ကြော်စားခြင်း၊ အသားတစ်မျိုးမျိုးနှင့် ရော၍ ချက်စားခြင်း၊ သုတ်စားခြင်း မိမိတို့နှစ်သက်ရာ စားသုံးကြသည်။ ထို့ပြင် မျှစ်ကို ဆန်၊ အရွက်မျိုးစုံ နှင့် ငရုတ်သီးစိမ်း အနည်းငယ်ထည့်၍ တာလပေါဟင်းဟူ၍ အရည်သောက်ဟင်းမှာလည်း လူကြိုက် များသော ဟင်းရည်တစ်မျိုးဖြစ်ပါသည်။
မျှစ် မျိုးစိတ်ပေါင်းများစွာ ရှိပြီး ဗီတာမင်၊ သတ္တုဓာတ် နှင့် သံဓာတ်ပါဝင်ကြောင်း သိရပါ သည်။ အသင့်စား ခြစ်ပြီးသား မျှစ်များကို ၁၀ ကျပ်သားလျှင် ၈၀၀ ကျပ်ဖြင့် ရောင်းချလျက်ရှိပြီး ၊ မျှစ်ချောင်းများ ကို ၁၀ ကျပ်သားလျှင် ၁၀၀၀ ကျပ်ဖြင့် ရောင်းချလျက် ရှိပါသည်။
ရာသီစာ အစားအစား ဖြစ်၍ အိမ်ရှင်မများ ချက်ပြုတ်စားသောက်ရာတွင် လျင်မြန် လွယ်ကူပြီး ပေါ်ဦးပေါ်ဖျားဖြစ်သည့်အတွက် ရောင်းအားကောင်းကြောင်း တောင်ငူမြို့ ဈေးသည်များထံမှ သိရှိရပါသည်။
DOCA(ပဲခူး)