ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့ရှိ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ မေလ (၈) ရက်နေ့တွင် စားသုံးသူရေးရး ဦးစီးဌာနရုံး၌ စားသုံးသူကာကွယ်ရေး အသိပညာပေး ဟောပြောခြင်း ဆောင်ရွက်ခဲ့ကြောင်း သတင်းရရှိသည်။
အဆိုပါဟောပြောပွဲတွင် မြို့နယ်တာဝန်ခံက စီးပွားရေးလုပ်ငန်းရှင်များ ညွှန်ကြားချက်နှင့်အညီ လိုက်နာဆောင်ရွက်ရန် စားသုံးသူများ ထင်ယောင်ထင်မှား မဖြစ်စေရေးနှင့် အခြေခံ လိုအပ်ချက်အပေါ် စိတ်ကျေနပ်မှု ရှိစေရေးအတွက် စီးပွားပေး လုပ်ငန်းရှင်များ အနေဖြင့် ကျေးရွာများသို့ အိမ်ထောင်စုစာရင်းနှင့် ဆီထုတ်ပေးရန်၊ ပြည်ပမှ တင်သွင်းလာသော ဘူးဆီများအား စားသုံးသူများ ဘေးအန္တရာယ် ကင်းရှင်းစေရန်၊ သက်ဆိုင်ရာထောက်ခံချက်ဖြင့် ရောင်းချရန်၊ သက်မှတ်ရည်ညွှန်းဈေးဖြင့် ရောင်းချကြရန်၊ သိုလှောင်ခြင်း၊ ဖြန့်ဖြူးခြင်းများကို ထိန်းကျောင်းကြပ်မတ်ရန် ဆောင်ရွက်လျက်ရှိပါကြောင်း လုပ်ငန်းရှင်များအနေဖြင့် ညွှန်ကြားချက်များကို လိုက်နာဆောင်ရွက်ကြရန် ဌာနမှ ကွင်းဆင်းစစ်ဆေးကြပ်မတ်ဆောင်ရွက်သွားမည်ဖြစ်ကြောင်းနှင့် မြို့နယ်တာဝန်ခံက စားသုံးသူ ကာကွယ်ရေး ကိစ္စရပ်များနှင့် ပတ်သက်၍ တိုင်ကြားလိုပါက Call Center 1535 သို့ ဆက်သွယ်တိုင်ကြားနိုင်ကြောင်း ဆွေးနွေးခဲ့သည်ဟု သတင်းရရှိပါသည်။
DOCA(ဧရာဝတီ)