တောင်ငူခရိုင်ဦးစီးမှူး စားသုံးဆီလက်လီလက်ကားရောင်းချသူများနှင့်တွေ့ဆုံ

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် မေလ ၉ ရက်နေ့ မွန်းလွဲပိုင်းက ခရိုင်ဦးစီးမှူးရုံး အစည်းအဝေးခန်းမတွင် တောင်ငူမြို့ရှိ စားသုံးဆီလက်လီလက်ကား ရောင်းချသူများနှင့်တွေ့ဆုံပြီး ဈေးကွက်အတွင်းစားသုံးဆီများရောင်းချရာတွင် ဥပဒေ၊ စည်းမျဉ်း စည်းကမ်းချက်များနှင့်အညီ ဆောင်ရွက်ရန် ဆွေးနွေးခဲ့ပါသည်။

              ခရိုင်ဦးစီးမှူးက ပဲခူးတိုင်းဒေသကြီးစားသုံးသူရေးရာကော်မတီမှ ယခုလတွင် ဈေးကွက် အတွင်းရောင်းချနေသည့် စားသုံးဆီများအား ဦးစားပေးစောင့်ကြည့်စစ်ဆေးရန် ညွှန်ကြားထားရာ စစ်ဆေးရေးအရာရှိများက သက်ဆိုင်ရာနယ်မြေများအလိုက် ဈေးကွက်စောင့်ကြည့်စစ်ဆေးမည့် အကြောင်းများ၊ စားသုံးဆီအပါအဝင် ဈေးကွက်အတွင်း ရောင်းချသည့်ကုန်စည်အားလုံး၌ ကုန်အညွှန်းအမှတ်အသားများ ပြည့်စုံစွာဖော်ပြရန်ကို အသိပညာပေးဆောင်ရွက်လျှက်ရှိရာ လုပ်ငန်းရှင်များက လိုက်နာဆောင်ရွက်ခြင်းဖြင့် စားသုံးသူအကျိုးစီးပွားအတွက် ပူးပေါင်း ဆောင်ရွက်ကြရန် လိုအပ်ပုံ များကို ရှင်းလင်းဆွေးနွေးပါသည်။

              ထို့နောက်တက်ရောက်လာသည့် လုပ်ငန်းရှင်များ၏ ဆွေးနွေးမေးမြန်းချက်များကို ခရိုင် ဦးစီးမှူးက ပြန်လည်ရှင်းလင်းဆွေးနွေးခဲ့ကြောင်းနှင့် တွေ့ဆုံဆွေးနွေးပွဲသို့ တောင်ငူမြို့မှ စားသုံးဆီ လက်လီလက်ကားရောင်းချသူ ၂၄ ဦးတက်ရောက်ကြောင်း သိရပါသည်။

DOCA(ပဲခူး)