လာအိုနိုင်ငံသည် ပြည်တွင်းထုတ်ကုန်များနှင့် စီးပွားရေးလုပ်ငန်းများကို မြှင့်တင်ရန်အတွက် တွန်အားပေးဆောင်ရွက်လျက်ရှိ

     လာအိုနိုင်ငံ ဗီယင်ကျန်းနှင့် အခြားပြည်နယ်များရှိ မိုက်ခရို၊ အသေးစား၊ အလတ်စား လုပ်ငန်းများ (MSMEs) ၏ ထုတ်လုပ်မှုနှင့်ကြီးထွားမှုကို ပံ့ပိုးပေးနိုင်ရန်ရည်ရွယ်၍ ပြည်တွင်းထုတ်ကုန်များ မြှင့်တင်ရေးပြပွဲကို လာအိုနိုင်ငံ၌ ဖွင့်လှစ်ခဲ့သည်။ ဗီယင်ကျန်းမြို့တွင် မေလ ၁ ရက် နေ့မှ ၁၁ ရက်နေ့အထိ ကျင်းပသော ၁၁ ကြိမ်မြောက် One District One Product(ODOP) ပြပွဲသည် မတူကွဲပြားသော စွန့်ဦးတီထွင်သူများနှင့် စီးပွားရေးကိုယ်စားလှယ်များကို ဆွဲဆောင်နိုင် ခဲ့ကြောင်း Laos Economic Daily ၏ မေလ ၆ ရက်နေ့က ဖော်ပြချက်အရသိရသည်။ ODOP ပြပွဲကို ပြည်တွင်းထုတ်ကုန်များပြသရန်နှင့် MSMEs လုပ်ငန်းများမြှင့်တင်ရန်နှစ်စဉ်ကျင်းပလျှက်ရှိ သည်။ ယခုနှစ်တွင် ပြပွဲသည် ပြည်တွင်းထုတ်ကုန် များအတွက် စျေးကွက်ပံ့ပိုးမှု မြင့်တင်ရန် ရည်ရွယ်ပြီး ကုန်ပစ္စည်းဖလှယ်ခြင်းကို အားပေးရန် ရည်ရွယ်ထားခြင်းဖြစ်သည်။ ပြပွဲတွင် လုပ်ငန်းစဉ်ပေါင်း ၁၁၆ ခု ပါဝင်ခဲ့ပြီး ဗီယန်ကျင်းမြို့နှင့် အခြားပြည်နယ်များမှ ပြခန်း ၆၀ အပါအဝင် ဒေသထွက်ကုန်အများအပြားအား ပြသထားသည်။ ထို့အပြင်အခမ်းအနားတွင် လာအိုနိုင်ငံမှ အလားအလာရှိသော ထုတ်ကုန်များနှင့် စက်မှုလုပ်ငန်းသုံးကုန်ပစ္စည်းများကိုလည်း ပြသခဲ့ ကြောင်းသိရသည်။

Source : Xinhua

DOCA(ရန်ကုန်)