မကွေးတိုင်းဒေသကြီးအတွင်း ဆီထွက်သီးနှံကဏ္ဍဖွံ့ဖြိုးတိုးတက်ရေးအတွက် နေကြာသီးနှံ တိုးချဲ့စိုက်ပျိုးရေး အလေးထားဆောင်ရွက်လျက်ရှိရာ မကွေးခရိုင်၊ တောင်တွင်းကြီးမြို့နယ်၊ ရေဦးအုပ်စု၊ ရေဦးကျေးရွာမှ လယ်ယာမြေများတွင် ၂၀၂၂ခုနှစ် မေလဆန်းမှစ၍ မိုးဦးမိုးဖြင့် စိုက်ပျိုးခဲ့ သည့် မိုးနှမ်းနှင့် နေကြာသီးညှပ် စိုက်ခင်းများ အောင်မြင်ဖြစ်ထွန်းလျက်ရှိကြောင်း သိရှိရပါသည်။
တောင်တွင်းကြီးမြို့နယ်အတွင်း ၂၀၂၂-၂၀၂၃ ခုနှစ် စိုက်ပျိုးရာသီတွင် မိုးနှမ်း(၉၉၃၉၅) ဧက စိုက်ပျိုးရန် လျာထားခဲ့ကြောင်းနှင့် မိုးနေကြာသီးညှပ်(၃၅၂၇)ဧက၊ သီးသန့်(၁၂၃၀)ဧက စုစုပေါင်း (၄၇၅၇)ဧက စိုက်ပျိုးရန်လျာထားခဲ့သော ကျေးရွာအုပ်စု(၂၈)အုပ်စုတို့တွင် မိုးနေကြာ(၂၆၈၀)ဧက စိုက်ပျိုးနိုင်ခဲ့ပြီး သတ်မှတ်ဧက ပြည့်မီစိုက်ပျိုးရန်အတွက် ၂၀၂၂ခုနှစ်၊ ဩဂုတ်လနှင့် စက်တင်ဘာလများအတွင်း အပြီးစိုက်ပျိုးသွားမည် ဖြစ်ကြောင်း သိရှိရပါသည်။
DOCA(မကွေး)