ပြည်ခရိုင်၊ ပြည်မြို့တွင် မြေပဲဆန်ဈေးနှုန်းများ သင်္ကြန်ပြီးကာလတွင် ပြန်လည်မြင့် တက်လာခဲ့ပါသည်။ ပြည်မြို့သို့ မင်းတုန်းမြို့နှင့် ပေါက်ခေါင်းမြို့ဘက်မှ မြေပဲဆန်အိတ် တစ်နေ့လျှင် ၂၀၀-၃၀၀ ခန့်သာဝင်ရောက်မှု ရှိတော့သဖြင့် မြေပဲဆန်လက်ကျန်များရှားပါးလာပြီး ဝယ်လက် ဝယ်ယူမှုများသဖြင့် ဈေးနှုန်းများပြန်လည်မြင့်တက်လာသည်ဟု သိရပါသည်။ အရောင်း အဝယ် ဖြစ်မှုအနေဖြင့်လည်း နယ်စုံမှဝယ်ယူမှုရှိပြီး အဓိကဝယ်ယူမှုရှိသောမြို့များမှာ ရန်ကုန်နှင့် မကွေးမြို့ တို့ဖြစ်ပြီး လုံးဆန်ကိုသာအဓိကထား၍ ဝယ်ယူကြပါသည်။ မကွေးမြို့ရှိ ဆီစက် လုပ်ငန်းရှင်များက ဆီကြိတ်ရန်အတွက် ဆီကြိတ်ဆန်ကို ဝယ်ယူမှုရှိသဖြင့် တစ်နေ့လျှင်အိတ် ၃၀၀ခန့် အရောင်း အဝယ်ဖြစ်လျှက်ရှိပါသည်။
မြေပဲဆန်ဈေးနှုန်းများအနေဖြင့် သင်္ကြန်အပြီးကာလဖြစ်သော ဧပြီလနောက်ဆုံးပတ်တွင် မြေပဲဆီကြိတ်ဆန်(အဖြူ)တစ်ပိဿာလျှင် ၈၂၀၀ကျပ်၊ (အနီ)တစ်ပိဿာလျှင် ၈၀၀၀ကျပ်နှင့် မြေပဲ လုံးဆန်(အဖြူ)တစ်ပိဿာလျှင် ၉၀၀၀ကျပ်၊ (အနီ)တစ်ပိဿာလျှင် ၈၇၀၀ကျပ်ဖြင့် ရောင်းဝယ် လျှက်ရှိပါသည်။ သင်္ကြန်မတိုင်ခင်ကာလနှင့်နှိုင်းယှဉ်လျှင် ဆီကြိတ်ဆန် (အဖြူ) တစ်ပိဿာလျှင် ၅၀၀ကျပ်၊ (အနီ)တစ်ပိဿာလျှင် ၅၀၀ကျပ်နှင့် လုံးဆန်(အဖြူ)တစ်ပိဿာလျှင် ၆၀၀ကျပ်၊ (အနီ) တစ်ပိဿာလျှင် ၅၀၀ကျပ်ဈေးတို့ဖြင့် အသီးသီး ဈေးနှုန်းများ မြင့်တက် လာခဲ့ပါသည်။ မြေပဲဆီဈေးနှုန်း များအနေဖြင့်လည်း သင်္ကြန်မတိုင်ခင် ကာလတွင် တစ်ပိဿာကို ၁၆၀၀၀ကျပ်၊ သင်္ကြန်ပြီးကာလတွင် တစ်ပိဿာကို ၁၈၀၀၀ကျပ်ဖြင့်ရောင်းချသဖြင့် တစ်ပိဿာကို ၂၀၀၀ကျပ်ခန့် ဈေးနှုန်းများမြင့် တက်လာခဲ့ပါသည်။
ထို့ကြောင့် ပြည်ဈေးကွက်တွင် ဧပြီလနောက်ဆုံးပတ်တွင် မြေပဲဆန်နှင့် မြေပဲဆီဈေးများ ဆက်လက်မြင့်တက်လာကြောင်း လေ့လာသိရှိရပါသည်။
DOCA(ပဲခူး)