မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်၌ ခရမ်းသီးများကို ပခုက္ကူကျွန်း၊ ဘောလုံးခုံ၊ လေးလံကျွန်း၊ မြင်းကျွန်း၊ ကုက္ကိုလ်လှ၊ သင်္ဘောကုန်း၊ ရွာသစ်ကုန်းကျေးရွာများတွင် သီးညှပ် စိုက်ပျိုးခြင်းအပြင် မြစ်ခြေ၊ ကမ္မမြို့တို့တွင် အဓိကစိုက်ပျိုးကြကြောင်း သိရသည်။ ဆောင်းသီးနှံခရမ်းသီးများ ရာသီကုန်ချိန်ရောက်ရှိပြီး (နွေ)ခရမ်းသီးများ စတင်စိုက်ပျိုးချိန်ဖြစ်၍ ဈေးကွက်သို့ ခရမ်းသီးများ ဝင်ရောက်နည်းပြီး ဈေးတက်ပြီးအရောင်းအဝယ်ဖြစ်ကြောင်း သိရှိရ သည်။
၂၀၂၅ခုနှစ်၊ ဧပြီလ(ဒုတိယပတ်)တွင် ခရမ်းသီး အမျိုးအစား၊ အရည်အသွေးနှင့် အရွယ်အစားလိုက်၍ ကျွန်းခရမ်းသီးတစ်ပိဿာလျှင် ကျပ်(၃၀၀၀-၂၀၀၀)ဈေးရှိပြီး ယခင်မတ်လ (စတုတ္ထပတ်)နှင့် နှိုင်းယှဉ်ပါက ခရမ်းသီးတစ်ပိဿာလျှင် ကျပ်(၅၀၀)ခန့် ဈေးတက်ပြီး အရောင်း အဝယ်ဖြစ်ကြောင်း ကုန်စိမ်းသီးနှံဈေးကွက်မှ သိရှိရသည်။
DOCA (မကွေး)