ပြောင်းလဲနေသော ကမ္ဘာလုံးဆိုင်ရာ အခင်းအကျင်းများကြားတွင် မလေးရှားနိုင်ငံ၏ စီးပွားရေးနှင့် ကုန်သွယ်မှု အကျိုးစီးပွားကို ကာကွယ်ရန်အတွက် သမားရိုးကျမဟုတ်သော စျေးကွက်သစ်များ ရှာဖွေရေးသည် ထိပ်တန်းဦးစားပေးဖြစ်ကြောင်း ရင်းနှီးမြှုပ်နှံမှု၊ ကုန်သွယ်ရေး နှင့် စက်မှုဝန်ကြီးဌာန (MITI) ဝန်ကြီး Tengku Zafrul Abdul Aziz က မေလ ၆ ရက်နေ့တွင် ပြောကြားခဲ့သည်။ အဆိုပါကြိုးပမ်းအားထုတ်မှုများကို ပံ့ပိုးကူညီရန်အတွက် အစိုးရက မလေးရှား ကုမ္ပဏီများ အထူးသဖြင့် အသေးစားနှင့် အလတ်စားစီးပွားရေးလုပ်ငန်းများ (SMEs) ကို ထောက်ပံ့ ရန် ရန်ပုံငွေများ ထပ်မံခွဲဝေပေးမည်ဖြစ်ကြောင်း Zafrul က သတင်းစာရှင်းလင်းပွဲတွင် ပြောကြားခဲ့ သည်။"ဤခွဲဝေချထားမှုများသည် ရုရှား၊ အာဖရိက၊ အရှေ့အလယ်ပိုင်းနှင့် တောင်အမေရိကကဲ့သို့ သော စျေးကွက်သစ်များဝင်ရောက်ရန် အဆိုပါကုမ္ပဏီများအတွက် အခွင့်အလမ်းများကို ပေးလိမ့် မည်" ဟု ၎င်းက ပြောကြားခဲ့သည်။ မလေးရှားသည် BRICS နိုင်ငံတကာအစိုးရအဖွဲ့နှင့် ပိုမို ကောင်းမွန်သော ထိတွေ့ဆက်ဆံမှုနှင့် လက်တင်အမေရိကအုပ်စု Southern Common Market (Mercosur) တို့နှင့် ပိုမိုပူးပေါင်းဆောင်ရွက်မည်ဖြစ်ကြောင်း ၎င်းကပြောကြားခဲ့သည်။ အမေရိကန်သမ္မတ Donald Trump ၏ အုပ်ချုပ်မှု မူဝါဒများကြောင့် ဖြစ်ပေါ်လာသော ကုန်သွယ်မှု အနှောင့်အယှက်များကို ကိုင်တွယ်ဖြေရှင်းရန် အစီအမံများနှင့်ပတ်သက်၍ Zafrul က ကမ္ဘာလုံးဆိုင်ရာ ကုန်သွယ်မှု အပြောင်းအရွှေ့ကြောင့် ထိခိုက်သည့် စက်မှုလုပ်ငန်းများကို ပံ့ပိုးကူညီရန် အစိုးရ၏ အထူးထည့်သွင်း စဉ်းစားမှု အစီအစဉ်ကို အပြီးသတ်နေပြီး ဇူလိုင်လတွင် ကြေညာဖွယ်ရှိကြောင်း ပြောကြားခဲ့သည်။
DOCA(ရန်ကုန်)