စားသုံးသူရေးရာဦးစီးဌာန၊ မွန်ပြည်နယ်၊ ပေါင်မြို့နယ်တာဝန်ခံသည် ၂၇.၆.၂၀၂၂ ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်အုပ်ချုပ်ရေးမှူးတို့ပါဝင်သော ပူးပေါင်းအဖွဲ့ဖြင့် ပေါင်မြို့နယ် လမ်းဘေးဝဲ/ယာရှိ စတိုးဆိုင်နှင့် ကုန်စုံဆိုင်များ၊ ဘူတာလမ်းဘေးဝဲ/ယာရှိ စတိုးဆိုင်နှင့် ကုန်စုံဆိုင်များ၊ စားသောက်ဆိုင်များ အပါအဝင် ဆိုင်ပေါင်း(၈)ဆိုင်ကို ဈေးကွက်စောင့်ကြည့် စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။
ထိုသို့ဆောင်ရွက်ရာတွင် အဆိုပါဆိုင်များ၌ ရောင်းချလျက်ရှိသော ထုတ်ကုန်ပစ္စည်းများမှာ သက်တမ်းကျော်လွန်ခြင်း ရှိ/မရှိ၊ သက်ဆိုင်ရာဌာနများ၏ ခွင့်ပြုထောက်ခံချက် ရှိ/မရှိ၊ ကုန်အညွှန်းအမှတ်အသား ဖော်ပြချက်ပြည့်စုံစွာ ဖော်ပြခြင်း ရှိ/မရှိနှင့် ထုတ်ကုန်လုံခြုံစိတ်ချရမှု ရှိ/မရှိ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။
DOCA(မွန်)