မြန်မာနိုင်ငံတောင်ပိုင်း တနင်္သာရီတိုင်းဒေသကြီးတွင် ဒူးရင်းသီးကို စိုက်ပျိုးလျက်ရှိပြီး ပဲခူး၊ မွန်၊ ကရင်၊ တနင်္သာရီတိုင်းတို့တွင် အများဆုံးစိုက်ပျိုးလျက်ရှိပါသည်။ ဒူးရင်းသီးကို ဇွန်လ အစော ပိုင်းတွင် စိုက်ပျိုးလျက်ရှိပြီး ရေရလျှင်တစ်နှစ်ပတ်လုံးစိုက်ပျိုးနိုင်သည့် နှစ်ရှည်ခံသီးပင်ဖြစ် ပါသည်။ နိုဝင်ဘာလတွင်ပန်းစပွင့်ပြီး ဧပြီလတွင်အသီးများကို ဆွတ်ခူးနိုင်ပါသည်။ အသီးများ ကောင်းမွန်စွာ မှည့်မှသာ ဆွတ်ခူးရောင်းချရပြီး အပင်မှည့်ကြွေကျသီးက အရသာပိုမိုကောင်းမွန် ကြောင်းသိရှိရပါ သည်။ ဒူးရင်းသီးတွင် မြန်မာမျိုးနှင့် ထိုင်းမျိုး ဟူ၍ (၂)မျိုးရှိပြီး မြန်မာမျိုးက ချို၊ ဆိမ့်၊ ခါး အရသာ (၃)မျိုးလုံးနှင့် ပြည့်စုံသောကြောင့် မြန်မာမျိုးကိုသာ အများဆုံး ဝယ်ယူစားသောက်ကြပါသည်။ ဒူးရင်းတောင်သူများအနေဖြင့် ဒူးရင်းစျေးနှုန်းမှာတောင်သူများအတွက် တွက်ခြေကိုက်သောကြောင့် ယခင်နှစ်ထက် ယခုနှစ် ပို၍စိုက်ပျိုးလာကြပြီး ယခုနှစ်က စျေးကောင်းပိုရလျက်ရှိကြောင်း စုံစမ်း သိရှိရပါသည်။ ယခုကာလသည် ဒူးရင်းသီးများ လှိုင်လှိုင်ပေါများနေပြီဖြစ်၍ ထားဝယ်တွင် ဖြစ်ပေါ် နေသောစျေးမှာ အလုံးကြီးတစ်လုံးလျှင် (၄၅ဝဝိ/-)ကျပ်နှုန်းနှင့် အလုံးငယ်တစ်လုံးလျှင် (၂၂၀၀-၂၀၀၀) ကျပ်နှုန်း အရောင်းအဝယ်ဖြစ်နေကြောင်း သိရှိရပါသည်။
DOCA(တနင်္သာရီ)