ကမ္ဘောဒီးယားနိုင်ငံစီးပွားကူးသန်းဝန်ကြီးဌာန (MoC)နှင့် ကမ္ဘောဒီးယားနိုင်ငံရှိ တောင်ကိုရီးယားကုန်သည်များအဖွဲ့ချုပ်တို့သည် နိုင်ငံတွင် ရင်းနှီးမြှုပ်နှံမှုအခွင့်အလမ်းများ အပေါ် မေလ ၁၂ ရက်နေ့က ဆွေးနွေးခဲ့ကြကြောင်း သိရပါသည်။ စီးပွားကူးသန်းဝန်ကြီးဌာနဘက်က အတွင်းရေးမှူး Chhor Sunhong ဦးဆောင်ခဲ့ပြီး KoCham ကိုယ်စားလှယ်အဖွဲ့ကို ဥက္ကဌ Kio An ကဦးဆောင်ခဲ့ကြောင်း သိရပါသည်။ အစည်းအဝေးသည် ကမ္ဘောဒီးယားတွင် တောင်ကိုရီးယား ရင်းနှီးမြှုပ်နှံမှုအခွင့်အလမ်းများ၊ အမြင်များဖလှယ်ရန်နှင့် နှစ်နိုင်ငံပူးပေါင်း ဆောင်ရွက်မှု အားကောင်းစေရန်ရည်ရွယ်ပြီး နှစ်နိုင်ငံကြားပူးပေါင်းဆောင်ရွက်မှု လုပ်ငန်းစဉ်များကို ဖလှယ်ရန် အဓိကရည်ရွယ်ကြောင်း သိရပါသည်။ KoCham သည်ကမ္ဘောဒီးယားနိုင်ငံရှိ တောင်ကိုရီးယား စီးပွားရေးသမားများနှင့်ဖွဲ့စည်းထားသည့် အကျိုးအမြတ်ရယူခြင်းမရှိသည့် အဖွဲ့အစည်းဖြစ်ပြီး နိုင်ငံ၏ စီးပွားရေးဝန်းကျင်မြှင့်တင်ရန်ရည်ရွယ်ကြောင်း သိရပါသည်။ ၎င်းကို ၂၀၀၇ ခုနှစ်က စတင်ဖွဲ့စည်းခဲ့ပြီး ထိုအချိန်မှစ၍ နှစ်နိုင်ငံကြားစီးပွားရေး ပူးပေါင်း ဆောင်ရွက်မှုအရှိန်မြှင့်တင်ရာတွင် ပါဝင်ပံ့ပိုးခဲ့ကြောင်း သိရပါသည်။
DOCA (ရန်ကုန်)