ဓနုဖြူမြို့နယ်သည် ဆန်/စပါး စိုက်ပျိုးလျက်ရှိပြီး ဟင်းသီးဟင်းရွက်များစိုက်ပျိုးသည့်အပြင် ဒေသတွင်း ပန်းများကိုလည်း တစ်ပိုင်တစ်နိုင် စိုက်ပျိုးနေကြပြီး စီးပွားဖြစ်ထွန်းလျှက်ရှိသည်။ ဒေါနပန်းကို လင်းလွန်းပင်ကျေးရွာအုပ်စု၊ ပုစွန်ချောင်းကျေးရွာ ဓနုဖြူမြို့နယ်တွင် ၀.၅၀ ဧကစိူက်ပျိုးလျှက်ရှိကြောင်း သိရသည်။
စိုက်ပျိုးမှုအနေဖြင့် ဒေသတွင်းမျိုးပန်းကိုသာစိုက်ပျိုးကြပြီး အပင်မျိုး (၂၀၀၀၀)ကျပ်မှ (၃၀၀၀၀)ကျပ်ခန့် ဝယ်ယူစိုက်ပျိုးကြသည်။ ဒေါနပန်းကို ဝါဆိုလမှာ စတင်စိုက်ပျိုးပြီး ၁နှစ်ပတ်လုံး ထွက်ရှိကြောင်း သိရသည်။ စိုက်ပျိုးရာတွင် မြောင်းဖော်၍ စိုက်ဧကတွင် ၂၅မြောင်းဖော်၍ စိုက်ပျိုးထားပြီး စိုက်ပျိုးပြီး ၂လအကြာတွင် ပန်းများထွက်ရှိ၍ ဈေးကွက်ဝင်ရောက်ကြောင်းသိရသည်၊။ စိုက်ပျိုးမှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် တစ်ဧကလျှင် ငွေကျပ် ၄၀၀၀၀၀ ခန့်ကုန်ကျပြီး ၁၂၅၀၀၀၀ ခန့် ကုန်ကျကြောင်း သိရသည်။ ထွက်ရှိမှုအနေဖြင့် ၁ကြိမ်ခူး လျှင် ပန်းအစည်းရေ ၁၀၀ခန့် ရရှိသဖြင့် စိုက်ခင်း တစ်နှစ်ထွက်ရှိမှု အစီးရေ ၁၅၀၀ခန့် ရရှိကြောင်း စိုက်ပျိုးသူထံမှ သိရသည်။
ဈေးနှုန်း ဈေးကွက်အနေဖြင့် ဒေါနပန်း ၁စီးကို လက်ကားဈေး ၁၃၀၀ကျပ်ဖြင့် ရောင်းချရပြီး အကျိုးအမြတ်အနေဖြင့် ၇သိန်းခန့် ရရှိကြောင်းသိရသည်။ တင်ပို့မှု အနေဖြင့် ဒေသတွင်း ရောင်းချခြင်း ရန်ကုန်တိုင်းဒေသကြီး၊ အချောက်မြို့နယ်သို့ တင်ပို့အဓိကတင်ပို့လျှက်ရှိပြီး စိုက်ပျိုးသူအကျိုးအမြတ်ရရှိ၍ နှစ်စဉ်စိုက်ပျိုးလျက် ရှိကြောင်း သိရသည်။
DOCA(ဧရာဝတီ)