စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ အမှတ်(၂)ရပ်ကွက်၊ ပြင်ဈေး(မြောက်)၊ သမဝါယမအသင်းစုချေးငွေလုပ်ငန်းဌာနတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရွှေဘို ခရိုင်အသေးစားစက်မှုလက်မှုလုပ်ငန်းဦးစီးဌာနမှ ကြီးမှူး၍ဖွင့်လှစ်သော တန်ဖိုးမြှင့်စားသောက်ကုန် ထုတ်လုပ်မှုနည်းပညာသင်တန်းကို ၂၀၂၂ခုနှစ်၊ဇွန်လ(၂၇)ရက်နေ့မှ ဇူလိုင်လ(၃)ရက်နေ့ထိ သင်တန်း ကာလ(၇)ရက်ဖြင့် နေ့စဉ်နံနက်(၀၉:၀၀)နာရီမှ ညနေ(၁၆:၀၀)နာရီထိ သင်ကြားပို့ချလျှက်ရှိရာ သင်တန်းဖွင့်ပွဲအခမ်းအနားသို့ ရွှေဘိုခရိုင်စီမံအုပ်ချုပ်ရေးအဖွဲ့ဉက္ကဌနှင့် အဖွဲ့ဝင်များ၊ ခရိုင်အဆင့်ဌာနဆိုင်ရာ အကြီးအကဲများ၊ တာဝန်ရှိပုဂ္ဂိုလ်များနှင့် သင်တန်းသား/ သင်တန်းသူများ စုစုပေါင်း(၄၂)ဦး တက်ရောက်ခဲ့ကြောင်း သိရှိရပါသည်။
အဆိုပါသင်တန်းကို အသေးစားစက်မှုလက်မှုလုပ်ငန်းများ ထွန်းကားလာစေခြင်းဖြင့် နိုင်ငံ့စီးပွား ဖွံ့ဖြိုးတိုးတက်မှုကို အထောက်အကူဖြစ်စေမည်ဆိုသည့် ဌာန၏မျှော်မှန်းချက်များ၊ ရွှေဘိုခရိုင်ဒေသ သည် ရေ၊ မြေ၊ သဘာဝအလျောက် ဗီတာမင်၊ သတ္တုဓါတ်နှင့် အာဟာရဓါတ်များ ပြည့်ဝစွာ ပါရှိသည့် ဆန်၊ ပဲ၊ ပြောင်း၊ ဂျုံနှင့် သီးနှံများစွာပေါများစွာထွက်ရှိကြောင်း၊ စိုက်ပျိုးရေး၊ မွေးမြူရေး ထုတ်ကုန်များကို တန်ဖိုးမြှင့် (Value Added)ထုတ်ကုန်များအဖြစ် ထုတ်လုပ် လာနိုင် စေရန်၊ ထုတ်ကုန်ပစ္စည်း အမယ်သစ်များ ပေါ်ပေါက်လာစေရန်၊ မိသားစုတစ်ပိုင်တစ်နိုင်ဝင်ငွေ တိုးပွားလာခြင်း၊ ကိုယ်ပိုင်စီးပွားရေးလုပ်ငန်းများလုပ်ကိုင်လာနိုင်ခြင်းတို့ကြောင့် အလုပ်အကိုင် အခွင့်အလမ်းများ ရရှိလာပြီး တစ်ဦးချင်းဝင်ငွေ တိုးတက်လာစေရန် ရည်ရွယ်၍ ဖွင့်လှစ်ကြောင်း သိ ရှိရပါသည်။
၎င်းသင်တန်းတွင် ခရိုင်ဉီးစီးမှူး၏ ကြီးကြပ်မှုဖြင့် သင်တန်းနည်းပြများအဖြစ် ရွှေဘိုခရိုင်၊ အသေးစားစက်မှုလက်မှုလုပ်ငန်း ဦးစီးဌာနမှ ဦးရဲထက်မောင်(ဦးစီးမှူး)နှင့် ဒေါ်နေခြည်ဦး (ဦးစီးမှူး)တို့မှ ဆန်၊ ပဲ၊ ပြောင်း၊ ဂျုံတို့ဖြင့် ပြုလုပ်သော နို့စိမ်းဘတ်တာကိတ်၊ Cup Cake, Chiffon Cake။ ပလိန်းကိတ်၊ အိကလဲ၊ ကြက်ဉသီးစုံကိတ်။ Soft Brand, Swiss Roll။ ဘလူးဘယ်ရီယိုပေါင်မုန့်၊ လမုန့်၊ ပူတင်းယို ကွတ်ကီး၊ နံကထိုင် ကြက်ဉတစ်လုံးကိတ်၊ လျှာပေါ်ဝဲ၊ Butter Cake ပြုလုပ်ခြင်း၊ Marble Cake, Donutစသည့် ကိတ်မုန့်အမျိုးမျိုးနှင့် မုန့်အမျိုးမျိုးပြုလုပ်ခြင်းများကို စာတွေ့လက်တွေ့သင်ကြားပြီး သင်တန်းဆင်းလက်မှတ်များကို ပေးအပ်သွားမည်ဖြစ်ကြောင်း သိရှိရပါသည်။
အဆိုပါသင်တန်းတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာနမှ ရွှေဘိုခရိုင်ဦးစီးမှူးဦးဇော်မင်းသိန်းမှ စားသုံးသူရေးရာဦးစီးဌာန ပေါ်ပေါက်လာပုံ၊ ဌာနမှဆောင်ရွက်လျက်ရှိသော လုပ်ငန်းများအကြောင်း၊ စားသုံးသူရေးရာဦးစီးဌာန၏ Vision၊ Missionများ၊ ဥပဒေအခန်း(၁၈)ပါ ကုန်အညွှန်းအမှတ်အသားအကြောင်းများ၊ စားသုံးသူကာကွယ် ရေးဉပဒေပါ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ အကြောင်း ကုန်ပစ္စည်းဝယ်ယူရာတွင် မိမိဝယ်ယူသည့်ကုန်ပစ္စည်း၏ ပြေစာကိုသိမ်းဆည်းထားရန် လိုကြောင်း၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုဖြစ်ပါက ထိုပြေစာနှင့်အတူ အရေးဆိုတိုင်ကြားနိုင်ကြောင်း၊ စားသုံးသူရေးရာဦးစီးဌာနနှင့်ပတ်သက်သော သတင်းအချက် အလက်များအား သိရှိ စုံစမ်းလိုလျှင် www.doca.gov. mm. website နှင့် DOCA Myanmar Mobile Application တွင်ဝင်ရောက်လေ့လာနိုင်ကြောင်း၊ စားသုံးသူရေးရာဦးစီးဌာန၏ Facebook Page တွင်လည်း ကြည့်ရှုနိုင်ကြောင်း၊ Consumer Call Centerများသို့ ဆက်သွယ်စုံစမ်းနိုင်ကြောင်းနှင့် ကုန်စည်နှင့် ဝန်ဆောင်မှုများကြောင့် စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများ ဖြစ်ပေါ်ခဲ့ပါက တိုင်ကြားနိုင်ကြောင်းများကို အကျယ်တဝင့် ရှင်းလင်းဆွေးနွေးခဲ့ပြီး သင်တန်းသား / သူ(၃၀)ဦးအား ဌာန၏ စားသုံးသူအသိပညာပေးလက်ကမ်းစာစောင်များ ဖြန့်ဝေပေးခဲ့ပါသည်။
သင်တန်းဖွင့်လှစ်ရခြင်းအားဖြင့် အသက်မွေးဝမ်းကြောင်းဆိုင်ရာ ကာလတိုသင်တန်းဖြစ်၍ သင်တန်းတက်ရောက်ပြီးပါက မိသားစုတစ်ပိုင်တစ်နိုင်ဖြစ်စေ၊ အသင်းအဖွဲ့အစည်း၊ အစုအဖွဲ့ဖြင့် ဖြစ်စေ၊ အသေးစားကုန်ထုတ်လုပ်ငန်းများ လုပ်ကိုင်နိုင်ရန်နှင့် အလုပ်အကိုင် အခွင့်အလမ်းများ ရရှိ စေနိုင်သည့် အပြင် လုပ်ငန်းမှတ်ပုံတင်ပြီး လုပ်ငန်းရှင်တစ်ဦးဖြစ်လာသည့်အထိ လုပ်ဆောင်နိုင် မည်ဖြစ်ပါ ကြောင်း၊ စားသုံးသူပြည်သူများနှင့် စီးပွားရေးလုပ်ငန်းရှင်များအနေဖြင့် စားသုံးသူရေးရာ ဦးစီးဌာန၏ လုပ်ငန်းဆောင်ရွက်နေမှုများနှင့် စားသုံးသူကာကွယ်ရေးဉပဒေပါ အကြောင်းအရာ များကို သိရှိနားလည်ပြီး မိမိတို့၏လိုက်နာရမည့်တာဝန်နှင့် အခွင့်အရေးများကို တောင်းဆိုနိုင်မည့် အကျိုးရလဒ်များ ရရှိနိုင်မည်ဖြစ်ပါသည်။
DOCA ( စစ်ကိုင်း )