မန္တလေးမြို့တွင်းရှိ ဆီထွက်သီးနှံများဖြစ်သည့် နှမ်း၊မြေပဲ၊နေကြာ၊မုန်ညှင်း၊ပန်းနှမ်းများကို ဆီကြိတ်ခွဲထုတ်လုပ်ရောင်းချသည့် ဆီစက်များမှ နှမ်းဖတ်၊ပဲဖတ်၊နေကြာဖတ်၊မုန်ညှင်းဖတ်၊ ပန်းနှမ်းဖတ်များကို တိရစ္ဆာန်အစားအစာအဖြစ် ရောင်းချကြပါသည်။ ပဲဖတ်၊နှမ်းဖတ်များကို ကျွဲနွားအတွက် အစားအစာအဖြစ် ဝယ်ယူသကဲ့သို့ ဝက်စာအတွက် ပဲဖတ်၊နှမ်းဖတ်၊ပန်းနှမ်းဖတ် များကို ဝယ်ယူကြပြီး၊ ငါးမွေးမြူရေးသမားများက ပဲဖတ်၊နှမ်းဖတ်၊နေကြာဖတ်၊မုန်ညှင်းဖတ်၊ ပန်းနှမ်းဖတ်များအားလုံး အစားအစာအဖြစ် ဝယ်ယူကြပါသည်။ မန္တလေးမြို့တွင် နှမ်းဖတ်၊ ပဲဖတ်၊ နေကြာဖတ်၊ မုန်ညှင်းဖတ်၊ ပန်းနှမ်းဖတ်ဈေးနှုန်းဈေးကွက်အနေနှင့် ပဲဖတ် ၁ ပိဿာ ၄၈၀၀ ကျပ်၊ နှမ်းဖတ် ၁ ပိဿာ ၄၁၀၀ ကျပ်၊ နေကြာဖတ် ၁ ပိဿာ ၂၃၀၀ ကျပ်၊ မုန်ညှင်းဖတ် ၁ပိဿာ ၂၆၀၀ ကျပ်၊ ပန်းနှမ်းဖတ် ၁ ပိဿာ ၂၇၀၀ ကျပ်တို့နှင့် ဈေးကွက်တွင် အရောင်းအဝယ် ဖြစ်ကြောင်းသိရှိရပါသည်။
DOCA(မန္တလေး)