စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကန့်ဘလူမြို့နယ်သည် လယ်ယာစိုက်ပျိုးရေး လုပ်ငန်းများနှင့် သီးနှံမျိုးစုံစိုက်ပျိုးလျက်ရှိရာ ထောပတ်ပဲသီးနှံကို စိုက်ပျိုးထားရှိကြောင်း၊ ထောပတ်ပဲသီးနှံ၊ ပဲဇီးကွက်သီးနှံနှင့် စွန်တာနီ(ပဲနီ)ကိုလည်း ကန့်ဘလူမြို့နယ် တောက္ကရှပ်ကျေးရွာ၊ နတ်ပေးကျေးရွာ၊ ဆန္ဒယားကျေးရွာ၊ ကံကြီးကုန်းကျေးရွာများနှင့် အခြားသောကျေးရွာများတွင် စိုက်ပျိုးပြီး ထောပတ်ပဲ(ဆောင်း)သီးနှံကို ယခုအချိန်တွင် ရိတ်သိမ်းပါကြောင်း၊ ဆောင်းသီးနှံ စွန်တာနီ(ပဲနီ)ကိုလည်း(၁၃၉၃)ဧက စိုက်ပျိုးရိတ်သိမ်းနိုင်ခဲ့ပြီး ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရသည်။
၂၀၂၅ ခုနှစ်၊ မေလ ဒုတိယပတ်အတွင်း ထောပတ်ပဲတစ်တင်းလျှင် (၁၁၂၀၀၀)ကျပ်၊ အကွဲအ နာပါ(၁)တင်းလျှင် (၁၁၁၀၀၀)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ယခင်အပတ်ဈေးနှုန်း နှင့်နှိုင်းယှဉ်ပါက ယခုအပတ်အတွင်း ထောပတ်ပဲသီးနှံ(၁)တင်းလျှင် (၂၀၀၀)ကျပ်ခန့်ဈေးနှုန်းမြင့်တက်လာကြောင်း၊ ကန့်ဘလူမြို့ နယ်မှထွက်ရှိသော ထောပတ်ပဲသီးနှံကို မန္တလေးမြို့ရှိ ပွဲရုံများသို့ တင်ပို့ရောင်းချကြောင်း၊ အလားတူပင် မေလ ဒုတိယပတ်အတွင်း ပဲဇီးကွက်တစ်တင်းဈေးနှုန်းလျှင် (၈၂၀၀၀) ကျပ်၊ အကွဲအနာပါလျှင် (၈၁၀၀၀)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ယခင်အပတ် ဈေးနှုန်းများနှင့် နှိုင်းယှဉ်ပါက ပဲဇီးကွက်(၁)တင်းလျှင်(၃၅၀၀)ကျပ် ဈေးနှုန်းမြင့် တက်လာကြောင်း၊ ဈေးကွက် အနေဖြင့် ကန့်ဘလူမြို့နယ်မှ ထွက်ရှိသော ပဲဇီးကွက်သီးနှံများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့လျက်ရှိကြောင်း၊ စွန်တာနီ(ပဲနီ)တစ်တင်းလျှင် (၈၀၀၀၀)ကျပ်၊ အကွဲအနာပါ(၁)တင်းလျှင် (၇၁၉၀၀၀)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ယခင်အပတ် ဈေးနှုန်းများနှင့် နှိုင်းယှဉ်ပါက ယခုပတ်အတွင်း စွန်တာနီ(၁)တင်းလျှင် (၃၀၀၀)ကျပ် ဈေးနှုန်းပြန် လည်မြင့်တက်လာကြောင်း၊ သီးနှံရောင်းဝယ်ရေး လုပ်ငန်းရှင်များထံမှ သတင်းရရှိပါသည်။
DOCA(စစ်ကိုင်း)