အင်ဒိုနီးရှားနိုင်ငံ Coordinating Minister for food ဖြစ်သူ Zulkifli Hasan က အင်ဒိုနီးရှားသည် ပြည်တွင်းကော်ဖီထုတ်လုပ်မှုအရှိန်မြှင့်တင်ပြီး ကမ္ဘာ့ဒုတိယအကြီးမားဆုံး ကော်ဖီထုတ်လုပ်သူဖြစ်သည့် ဗီယက်နမ်ကိုကျော်ဖြတ်ရန် ရည်ရွယ်ထားကြောင်း ပြောကြားခဲ့ပါ သည်။ ဝန်ကြီးက နှစ်စဉ်ကော်ဖီထုတ်လုပ်မှု တန်ချိန် ၇၀၀၀၀၀ ကျော်နှင့်အတူ အင်ဒိုနီးရှားသည် ကမ္ဘာ့စတုတ္ထနေရာတွင် ရပ်တည်နေပြီး မှန်ကန်သောမဟာဗျူဟာများချမှတ်ပါက ထိုကိန်း ဂဏန်းသည် သိသာစွာမြင့်တက်နိုင်ကြောင်း ယုံကြည်လျှက်ရှိပါသည်။ လတ်တလောတွင် ကော်ဖီဈေးနှုန်းသည်အလွန်သင့်လျော်ကောင်းမွန်နေသည့်အတွက် ထုတ်လုပ် မှုမြှင့်တင်ရန်လို အပ်ကြောင်း ဝန်ကြီးက World of Coffee Jakarta ဖွင့်ပွဲအခမ်းအနားတွင် ပြောကြားခဲ့ပါသည်။ ထုတ်လုပ်မှုမြှင့်တင်မည့် မဟာဗျူဟာများတွင် ပိုမိုအရည်အသွေး ကောင်းမွန်သော မျိုးစေ့များကို အသုံးပြုခြင်း၊ ရိတ်သိမ်းပြီးနောက်ပြုပြင်ထုတ်လုပ်မှု တိုးတက်စေရန်ဆောင်ရွက်ခြင်းနှင့် အင်ဒိုနီးရှား ကော်ဖီတန်ဖိုးမြှင့်တင်ရန် ပိုမိုယှဉ်ပြိုင်နိုင်စွမ်းရှိသည့် ထုတ်ပိုး မှုပုံစံအသုံးပြုခြင်း တို့ပါဝင်ကြောင်း သိရပါသည်။ Hasan ၏အဆိုအရ အင်ဒိုနီးရှားတွင် ကော်ဖီ စိုက်ပျိုးရန်အတွက် ကျယ်ပြန့်သောမြေဧရိယာကို ပိုင်ဆိုင်ထားကြောင်း သိရပါသည်။ အင်ဒိုနီးရှားသည် လတ်တလော တွင် ကမ္ဘာလုံးဆိုင်ရာကော်ဖီထုတ်လုပ်မှု၌ ဘရာဇီး၊ ဗီယက်နမ် နှင့် ကိုလမ်ဘီယာတို့နောက်တွင် ရပ်တည်နေပြီး ကမ္ဘာ့ဒုတိယအကြီးမားဆုံးထုတ်လုပ်သူ ဖြစ်သည့် ဗီယက်နမ်သည် ကော်ဖီနှစ်စဉ် တန်ချိန် ၁.၈ သန်းထုတ်လုပ်လျှက်ရှိကြောင်း သိရပါ သည်။ Hasan က ကော်ဖီထုတ်လုပ်မှု အလားအလာကို အပြည့်အဝ ဖော်ဆောင်နိုင်ရန် အစိုးရနှင့် ပုဂ္ဂလိကကဏ္ဍကြား ပိုမို အားကောင်းစွာပူးပေါင်းဆောင်ရွက်ရန် လိုအပ်ကြောင်း ပြောကြားခဲ့ပါ သည်။ ဗဟိုစာရင်းအင်း အေဂျင်စီ၏အဆိုအရ အင်ဒိုနီးရှားသည် ၂၀၂၄ ခုနှစ် ဇန်နဝါရီလမှ စက်တင်ဘာလကာလအတွင်း အမေရိကန်ဒေါ်လာ ၁.၄၉ ဘီလီယံတန်ဖိုးရှိသော ကော်ဖီတန်ချိန် ၃၄၂၂၂၀ တန်ပို့ခဲ့ပြီ အမေရိကန်ဒေါ်လာ ၃၁၉.၈၄ သန်းတန်ကြေးရှိသော ကော်ဖီတန်ချိန် ၆၇၆၅၀ တန်တင်သွင်းခဲ့ကြောင်း သိရပါသည်။ ထိပ်တန်းတင်ပို့သည့်ဈေးကွက်များတွင် ဖိလစ်ပိုင်၊ အမေရိကန်နှင့် မလေးရှားတို့ပါဝင်ကြောင်း သိရပါသည်။
Antara News
DOCA (ရန်ကုန်)