ကယားပြည်နယ်တွင် ဂျင်းကို လွိုင်ကော်မြို့နယ် လင်ဖုန်းလေး၊ဆောင်ပြောင်း၊ ကုန်းသာကျေးရွာများတွင် အဓိကစိုက်ပျိုးကြပြီး ဒေသထွက်ဂျင်းကို ဟင်းခတ်အမွေးအကြိုင်အဖြစ်ရိုးရာ အစားအစာများ၊ ဟင်းလျာများတွင် အသုံးများသဖြင့် ပြည်နယ်တွင်း စားသုံးမှုများကြောင်း၊ ယခုဇူလိုင်လ ပထမပတ်တွင် ဈေးကွက်အတွင်း ဒေသထွက် ဂျင်းတစ်ပိဿာလျှင် (၂၂၀၀)ကျပ်ဖြင့် ရောင်းချလျက်ရှိကြောင်း၊ ယခင်ဇွန်လပထမပတ်တွင် ဒေသထွက် ဂျင်းတစ်ပိဿာလျှင် (၁၅၀၀)ကျပ်ခန့်သာရှိခဲ့ပြီး ယခင်ဇွန်လပထမပတ်နှင့် ယခုဇူလိုင်လပထမပတ် နှိုင်းယှဉ်လျှင် ဒေသထွက်ဂျင်းတစ်ပိဿာလျှင် (၇၀၀)ကျပ်ခန့် ဈေးနှုန်းမြှင့်တက်လာကြောင်း၊ ဈေးနှုန်းမြှင့်တက်လာရခြင်းမှာ ဂျင်းစိုက်တောင်သူများမှာ စိုက်ဧက အနည်းငယ်သာစိုက်ပျိုးနိုင်ပြီး အချို့နေရာများတွင် အချိန်မီတူးဖော်နိုင်မှုမရှိခြင်း၊ ထုတ်လုပ်နိုင်မှု လျော့နည်းလာခြင်းကြောင့်ဖြစ်သည်ဟု သီရိမင်္လာဈေး ဒေသထွက်ဂျင်းရောင်းချသူ တစ်ဦးထံမှ သိရပါသည်။
DOCA(ကယား)