စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် စားသုံးသူ ပြည်သူများ ဘေးအန္တရာယ်ကင်းရှင်းစေရေး၊ အရည်အသွေးမြင့်မားပြီး အာမခံချက်ရှိသော ကုန်စည်/ဝန်ဆောင်မှုများ သုံးစွဲနိုင်ရေးအတွက် စားသုံးသူရေးရာ ကိစ္စရပ်များအား ကျယ်ကျယ် ပြန့်ပြန့် သိရှိနားလည်စေရေး ရည်ရွယ်၍ စားသုံးသူအသိပညာပေး ဟောပြောပွဲများ ကျင်းပပြု လုပ်လျှက်ရှိရာ ပြည်ခရိုင်၊ ပြည်မြို့နယ်တွင် ဇွန်လ (၂၉)ရက်၌ မှော်ဇာအုပ်စု၊ တောင်လုံးညိုရွာ၊ ရွှေတောင်မြို့နယ်တွင် ဇွန်လ (၃၀)ရက်၌ မင်းကွန်းအုပ်စု၊ လက်ခုတ်တန်းရွာ၊ မယားမံအုပ်စု၊ မယားမံရွာ၊ ပန်းတောင်းမြို့နယ်တွင် ဒန့်ဒလွန်အုပ်စု၊ ကျီးပင်ကန်ရွာနှင့် မွန်းလွဲပိုင်း၌ ထိပ်ပေါက်အုပ်စု၊ ထိပ်ပေါက်ကျေးရွာ စသည်တို့တွင် သက်ဆိုင်ရာ မြို့နယ်တာဝန်ခံတို့မှ မြို့နယ်ဌာနဆိုင်ရာ အဖွဲ့အစည်းများနှင့် ပူးပေါင်းကာ စားသုံးသူကာကွယ်ရေး အသိပညာပေး ဟောပြောဆွေးနွေးခြင်းများ ဆောင်ရွက်ခဲ့ပါသည်။
အဆိုပါ ဟောပြောပွဲတွင် သက်ဆိုင်ရာမြို့နယ်တာဝန်ခံမှ စားသုံးသူကာကွယ်ရေးဉပဒေပါ စားသုံးသူများ၏ အခွင့်အရေးနှင့်တာဝန်များ စီးပွားရေးလုပ်ငန်းရှင်များ လိုက်နာရမည့် တာဝန်နှင့် တားမြစ်ချက်များ၊ ကုန်စည်ထုတ်လုပ်ရာတွင် သိသာထင်ရှားစွာဖေါ်ပြရမည့် ကုန်အညွှန်းအမှတ် အသားဖေါ်ပြခြင်းဆိုင်ရာ အချက်များ၊ စားသုံးသူများ နစ်နာဆုံးရှုံးမှုရှိပါက တိုင်ကြားနိုင်သည့် ပုဂ္ဂိုလ်များ၊ နည်းလမ်းများ၊ ဖုန်းနံပါတ်နှင့်လိပ်စာ၊ ဉပဒေအရ ချမှတ်နိုင်သည့် ပြစ်မှုပြစ်ဒဏ်များ စသည့်အကြောင်းအရာတို့အား အသိပညာပေး ပြောကြားခဲ့ပြီး ကျေးရွာနေပြည်သူ (၄၄၄)ဦး တက်ရောက်ခဲ့ကာ စားသုံးသူကာကွယ်ရေးအသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သိရှိရပါသည်။
DOCA(ပဲခူး)