ပဲခူးတိုင်း (အနောက်) နတ်တလင်းခရိုင်၊ ဇီးကုန်းမြို့နယ်တွင် နွေစပါးများ ဧပြီလ စတုတ္တပတ်မှ စတင်ရိတ်သိမ်းနေပြီး ဇီးကုန်းမြို့နယ်၌ ၂၀၂၄-၂၀၂၅ ဘဏ္ဍာနှစ်တွင် နွေစပါးစိုက် ဧက ၇၉၇၃-ဧက ဖြစ်၍ (၁၀.၅.၂၀၂၅)နေ့အထိ ဧက ၁၉၀၀ ခန့် ရိတ်သိမ်းပြီးဖြစ်ကြောင်း မြို့နယ် သက်ဆိုင်ရာဦးစီးဌာနတို့မှသိရသည်။
ဇီးကုန်းမြို့နယ်တွင် နွေစပါးစိုက်ပျိုးမှုအား တောင်ညိုဆည်နှင့် ဘော်ဘင်ဆည်ရေ ရရှိမှု အလိုက် ဖေဖေါ်ဝါရီလ ဒုတိယပတ်မှစတင်စိုက်ပျိုးခဲ့ပြီး စပါးမျိုးများအနေဖြင့် ဗီယမ်နမ် (၁၁၅)ရက် ၊ ရက် (၉၀)၊ ရက် (၁၀၀)နှင့် မျိုးသန့်ဆာပိုးသာ စပါးများ စိုက်ပျိုးကြောင်းသိရသည်။ လက်ရှိ နွေစပါးဈေးနှုန်းများမှာ တစ်တင်းလျှင် ပေါင် (၅၀)ဖြင့် တင်း(၁၀၀)လျှင် အစိုဓာတ် ပေါ်မှုတည်၍ ငွေကျပ် (၁၃၀၀၀၀၀) နှုန်းနှင့် ငွေကျပ်(၁၂၅၀၀၀၀) နှုန်း ပေါက်ဈေးရှိပါကြောင်း သိရပါသည်။ အထွက်တင်းမှာ တစ်ဧကလျှင် ၁၂၀-တင်းမှ ၁၃၀-တင်း ထွက်ရှိကြောင်း သိရသည်။
နွေစပါးစိုက်တောင်သူများ အနေဖြင့် အောင်ရေရရှိမှု သင့်လျော်သောမျိုး ရွေးချယ်မှု၊ နည်းစနစ်မှန်ကန်မှု ( DRUM SEEDER) အစေ့ချစနစ်နှင့် သွင်းအားစုအပေါ် အထွက်နှုန်း၊ ဈေးနှုန်းအခြေအနေအရ သင့်တင့်သောအကျိုးအမြတ် ရရှိနိုင်ကြောင်း ဘုရားကြီးကုန်း ကျေးရွာအုပ်စု ၊ သင်္ကန်းကျေးရွာ နွေစပါး ရိတ်သိမ်းဆဲတောင်သူတစ်ဦးထံမှ လေ့လာသိရှိရပါသည်။
DOCA(ပဲခူး)