ပဲခူးတိုင်းဒေသကြီးအတွင်း စားသုံးသူကာကွယ်ရေးလုပ်ငန်းများကို ပိုမိုထိရောက်အောင်မြင်စွာ အကောင်အထည်ဖော်ဆောင်ရွက်နိုင်ရေး ၊ ထုတ်ကုန်လုံခြုံစိတ်ချရမှုရှိစေရေးနှင့် စားသုံးသူအငြင်းပွားမှု ကိစ္စရပ်များ၊ စားသုံးသူထိခိုက်နစ်နာဆုံးရှုံးမှုများ အောင်မြင်စွာ စေ့စပ်ဖြေရှင်းဆောင်ရွက်နိုင်ရေး ရည်ရွယ်၍ (၂၉.၆.၂၀၂၂) ရက်နေ့၊ နေ့လည် (၁၄:၀၀) နာရီအချိန်တွင် ပဲခူးတိုင်းဒေသကြီး စားသုံးသူရေးရာဦးစီးဌာန အစည်းအဝေးခန်းမ၌ တိုင်းဒေသကြီး စားသုံးသူရေးရာကော်မတီ လုပ်ငန်းညှိနှိုင်း အစည်းအဝေး (၃/၂၀၂၂) ကို ကျင်းပပြုလုပ်ခဲ့ပါသည်။
အစည်းအဝေးတွင် ပဲခူးတိုင်းဒေသကြီး စားသုံးသူရေးရာကော်မတီ အတွင်းရေးမှူး၊ စားသုံးသူ ရေးရာဦးစီးဌာန ၊ တိုင်းဒေသကြီးဦးစီးမှူး ဦးဇေယျာဆွေ နှင့် စားသုံးသူရေးရာဌာနခွဲ တာဝန်ခံ ဦးအောင်သိုက် (လက်ထောက် ညွှန်ကြားရေးမှူး) က အမှာစာ (၄) စောင်တို့ကို Power Point ဖြင့် ရှင်းလင်းတင်ပြခဲ့ပြီး ၊ စိုက်ပျိုးရေး ဦးစီးဌာန ၊ တိုင်းဒေသကြီးဦးစီးမှူးမှ တရားဝင်ပိုးသတ်ဆေး လိုင်စင်မရှိလဲ ထုတ်လုပ်ဖြန့်ဖြူးရောင်းချ နေသော "ကျင်းဟုံ" ခြင်ဆေးခွေနှင့် ပတ်သက်၍ ဆွေးနွေးခဲ့ပြီး တက်ရောက်လာသည့် တိုင်းဒေသကြီး ကော်မတီ အဖွဲ့ဝင်များမှ ဝိုင်းဝန်းအကြုံပြု ဆွေးနွေးခဲ့ကြပြီး ခြင်ဆေးခွေနှင့် ပတ်သက်၍ ကွင်းဆင်းစစ်ဆေးမည်ဆိုပါက ပူးပေါင်းပါဝင် ဆောင်ရွက်မည်ဖြစ်ကြောင်း ပြောကြားခဲ့ကြပြီး စားသုံးသူရေးရာဦးစီးဌာန တိုင်းဒေသကြီး ဦးစီးမှူးမှ နိဂုံးချုပ်အမှာစကားပြောကြားပြီး အစည်းအဝေးကို (၁၅:၃၀) တွင် ရုတ်သိမ်းခဲ့ပါသည်။
အဆိုပါ အစည်းအဝေးသို့ တိုင်းဒေသကြီး စားသုံးသူကော်မတီ ဒုဥက္ကဋ္ဌနှင့် အဖွဲ့ဝင်များ၊ တိုင်းရုံးမှ ဌာနခွဲ တာဝန်ခံများ၊ ဖိတ်ကြားထားသည့် စိုက်ပျိုးရေးဦးစီးဌာန တိုင်းဒေသကြီးဦးစီးမှူးတို့ တက်ရောက်ခဲ့ကြပြီး အစည်းအဝေးတွင် ဆုံးဖြတ်ချက် (၅) ချက်ချမှတ်နိုင်ခဲ့ကြောင်း သိရှိရပါသည်။
DOCA(ပဲခူး)