ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့် နောင်ကုန်စည်ဒိုင်သို့ နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏ ကြက်သွန်နီလက်ကျန်အခြေအနေများအား အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်း အတွင်းရှိ ကြက်သွန်နီပွဲရုံ ၄၀ အနက် Random စနစ်ဖြင့် ပွဲရုံ ၁၀ ရုံအား မေးမြန်းချက်များအရ လည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီနေ့စဉ်ဝင်ရောက်မှု စာရင်းများအရ လည်းကောင်း၊ ကြက်သွန်နီ လက်ကျန်အခြေအနေအား နေ့စဉ်စုံစမ်းလျက်ရှိပါသည်။ ဧပြီလ ၂၃ ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြစ်သား၊ တောင်တွင်း၊ အောင်လံဒေသတို့မှ ကြက်သွန်နီ ၄၈၀,၀၀၀ ပိဿာ ဝင်ရောက်ခဲ့ပြီး ၆၀% ခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ ၁၉၂,၀၀၀ ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူကြက်သွန်နီ (အသစ်) အချော တစ်ပိဿာ ကျပ် ၁,၂၀၀၊ အသန့်မှာ တစ်ပိဿာ ကျပ် ၁,၇၀၀ ၊ အကြီးမှာ ကျပ် ၁,၈၀၀၊ ရှယ်မှာ ကျပ် ၁,၉၀၀၊ မြစ်သား ကြက်သွန်နီ (အသစ်) အချော တစ်ပိဿာ ကျပ် ၁,၄၀၀၊ အသန့်မှာ တစ်ပိဿာ ကျပ် ၂,၁၀၀၊ အကြီး မှာ ကျပ် ၂,၃၀၀၊ ရှယ်မှာ ကျပ် ၂,၄၀၀ ၊ တောင်တွင်း ကြက်သွန်နီ (အသစ်) အချော တစ်ပိဿာ ကျပ် ၁,၁၅၀၊ အသန့်မှာ တစ်ပိဿာ ကျပ် ၁,၆၀၀၊ အကြီးမှာ ကျပ် ၁,၇၀၀၊ ရှယ်မှာ ကျပ် ၁,၇၀၀၊ အောင်လံ ကြက်သွန်နီ (အသစ်) အချော တစ်ပိဿာ ကျပ် ၁,၁၅၀၊ အသန့်မှာ တစ်ပိဿာ ကျပ် ၁,၅၀၀ ၊ အကြီးမှာ ကျပ် ၁,၆၀၀၊ ရှယ်မှာ ကျပ် ၁,၇၀၀ ဈေးတို့ အသီးသီးရှိကြောင်း စုံစမ်းသိရှိရပါသည်။
ယခင်တစ်ပတ်နှင့် ယခုတစ်ပတ် ကြက်သွန်နီဈေးနှုန်းများ နှိုင်းယှဉ်ရာတွင် ကြက်သွန်နီ ဈေးနှုန်းများမှာ ဈေးအနည်းငယ်မြင့်တက်သွားကြောင်း သိရှိရပါသည်။
DOCA (ရန်ကုန်)